Fitaterana mihazo an’i Fianarantsoa

ilaina miainga eto Antananarivo miampy ny dia manontolo raha ny fitaterana mihazo an’i Fianarantsoa no asian-teny. Araka ny fanazavàn’ny mpitatitra iray eny amin’ny Fasan’ny karàna omaly dia raha hiainga anio amin’ny 5 na 6 ora hariva miala eto Antananarivo ho any Fianarantsoa, ohatra, amin’ity anio ity dia mila tonga eny amin’ity fiantsonam-piara ity amin’ny 4 ora maraina raha mbola te hahita toerana iaingana. Rahampitso amin’ny 8 ora maraina kosa no tonga ao Fianarantsoa, izany hoe manodidina ny 12 hatramin’ny 13 ora eo faharetan’ny dia. Tena mampikaikaika ireo mpampiasa lalana ny fahapotehan’ireo lalam-pirenena, raha tsy hilaza afa-tsy ny lalam-pirenena faha 13 na RN 13, izay nampanantenan’ny filoham-pirenena, Andry Nirina Rajoelina, fa tsy hanaovany politika intsony raha sanatria tsy vita tamin’iny fotoam-piasany voalohan’iny sy ity lalam-pirenena faha 7 na RN 7 ity, indrindra moa fa ny lalam-pirenena faha 6 na RN 6, izay nampihivingivin-doha ny mpitatitra iray mihitsy ary nilazàny hoe aza resahina akory!
Nangonin’i J. Mirija