Fifamoivoizana

 Vao omaly ohatra dia nanondrana indray ny Taxi be zotra KOFIMI iray mitondra ny laharana 9727 T BD. Niakatra teo Andrefanambohijanahary ny mpandeha iray tsy nisy ny olana. Rehefa tonga teny Antanimenakely anefa dia niteny ilay resevera fa efa ela loatra izy no niakatra tao anaty fiara ka tokony handoa saran-dalana fanindroany indray. Raha tsiahivina kely anefa dia miainga eny amin’ny tobim-piantsonana eny amin’ny CNaPS Ampefiloha ny taxibe KOFIMI iray ary tsy mijanona raha tsy tonga any Itaosy amin’ny saran-dalana no 500 Ar na 600 Ar. Tsy izay tian’ny mpamily sy ny resevera araka izany no hatao ary efa mazava ny saran-dalana. Tsy io koperativa io ihany anefa no manao izany fa maro ny zotra mampitaraina olona amin ity hafetsifetsena manao fika hoe hatreo anona ity ihany ity, satria tiana hiala eo daholo ny mpandeha amin’izay misy mpandeha vaovao , mandoa saran-dalana vaovao indray. Ny tsy fanajana ny fitsipika, ny tsy fanajana ny bokin'andraikitra tsy lazaina intsony ary ny tena loza dia fanalikana ny mpandeha tsotra izao ny atao, fiainana efa sarotra izao ve dia terena handoa 1000 ariary ve izany ny olona iray miainga avy eny Andranonahoatra Itaosy ka hatreny Anosy satria hifindra taxibe eny antenantenan-dalana eny. Antso avo araka izany no hatao amin’ny lehiben’ity koperativa ity mba handray ny andraikitra tandrify azy.
Pati
Legende : Ity ilay taxibe KOFIMI nanadala mpandeha omaly