Lalam-pirenena faha 31 sy faha 32

Lalana isany mampitaraina ny olona ny Lalam-pirenena faha 31 sy faha 32 : Antsohihy - Bealanana sy Antsohihy - Mandritsara, izay tsy vitan'ny ifamezivezen'ny olona fa mampifandray Faritra be vokatra. Tonga nihaona tamin'ny Minisitry ny asa vaventy ny Lehiben'ny faritra Sofia sy ny solombavam-bahoakan'i Bealanana ary ny solombavam-bahoaka voafidy tao Mandritsara, nangataka ny hanafainganana ny fanamboarana ireo lalam-pirenena ireo indrindra ny hanamboarana vonjimaika ireo faritra mampanahirana tahaka ny lalana mampitohy an'i Betainkankana sy Bealanana mba hanamorana ny fifamezivezen'ny mponina. Nanome toky ny Minisitra tompon'andraikitra fa ho vita alohan'ny alakamisy 24 aprily ho avy izao izany rehetra izany ka hisosa ireo fiara mpitatitra mampitohy an'i Bealanana amin'Antsohihy.
Nangonin'i Jean D.

Fihaonan'ny delegasiona avy any Sofia tamin'ny minisitry ny Asa vaventy