LALANA MAMPITOHY

Mangataka ny hanamboarana ny lalana mampitohy ny distrikan'Ifanadiana amin'Ikongo ny solombavambahoaka voafidy tao Ikonho Ravoniarisoa Mariette. Mbola tena sakana amin'ny fampandrosoana ao anatin'ireo distrika roa ireo mantsy ny haratsian-dalana. Tsy afaka mifamezivezy ny mponina sy ny vokatra , hany ka mbola maro ireo faritra lavitra andriana. Mikasika ny CIAD taona 2025 manokana dia nomarihin'ity solombavambahoaka ity fa efa tonga saingy kely dia kely. Tsy ampy hanamboaran-dalana hoy izy ilay lela-vola 250 tapitrisa Ar. Naompany tany amin'ny fanamboarana ny biraon'ny kaominîna noho izany ny vola ka kaominîna miisa 2 dia ny ao Maromiandra sy Ambolo-madinika no nahazo tombontsoa tamin'izany. Hotokanana mialohan'ny Fetin'ny 26 Jona ho avy izao ny foto-drafitrasa raha tsy misy fiovana. Antony nisafidianan-dRavlniarisoa Mariette ny biraon'ny kaominîna hanamboarina moa raha tsiahivina ny hamaroan'ireo olona tonga mila raharaha ao amin'izy ireny nefa ny trano sy fitaovana tsy zarizary.
Pati

Légende : Izy no Ravoniarisoa Mariette, solombavambahoaka voafidy tany amin'ny distrikan'Ikongo !