LOZAM-PIFAMOIVOIZANA NAMOIZANA AIN'OLONA

fantatry ny maro amin’ilay tantara nampihetsi-po mitondra ny lohanteny hoe : Diary. Raha tsiahivina kely dia nandona kodiaran-droa teny Anosimasina Itaosy, distrikan’Atsimondrano ny fiara nentin’ny tovolahy ny 10 May lasa teo, tokony ho tamin’ny 11 ora sy sasany alina. Maty ny ampitson’iny izany hoe : ny andron’ny Alahady 11 May ilay Ramatoa nitaingina ity kodiaran-droa ity raha naratra mafy kosa ilay lehilahy nitondra azy. Notsiahivin’ny mpisolovava azy moa hoy ny vaovao fa ny alina taorian’ny nitrangan’ny loza dia efa voatazona natao andrimaso teny anivon’ny mpitandro ny filaminana i Kiady. Mbola voatazona tao ny tenany hatramin’ny omaly nahazoanay ny vaovao raha nogiazana ihany koa ny findainy sy ny fiarany. Tsy marina hoy izy ny vaovao niely tamin’ny tambajotran-tserasera Facebook fa efa nivoaka mirihariha eny anivon’ny fiaraha-monina i Kiady.
Nangonin’i Pati
Legende : I Kiady sy ilay fiara nentiny izay potika tanteraka ny lohany !