Tonga tao amin’ny seranam-piaramanidin’i Fascène Nosy be ny sabotsy lasa teo ny zotram-piaramanidin’ny Ethiopian Airlines nisantatra indray ny sidina avy any ivelany.Mpandeha 31 avy any Addis-Abeba ireto tonga ny sabotsy lasa teo ireto, raha ny vaovao voaray avy amin’ny ministeran’ny fizahantany. Isaky ny sabotsy aloha amin’izao fanombohany izao , fa heverina fa ho lasa sidina 3 isan-kerinandro izany amin’ny volana jona, araka ny fanazavana hatrany. Vaovao tsara ho an’iroe mpisehatra eo amin’ny resaka fizahantany izao satria mampitombo ireo vahiny mpisahantany ao Nosy be, ity tanàna ity izay miankina 90% amin’ny resaka fizahantany ny fiainany.Tena nitondra faisana ny mponina tao nandritra ny fihibohana ary efa hatramin’ny faaramparan’ny taona 2021 izy ireo no nitaky ny hanokafana ny habakabak’i Nosy Be sy hamerenana ireo sidina mivantana vay any ivelany. Tsy mahaliana ny mpiazahantany mantsy ilay hoe tonga eto Antananarivo dia handray fiara na mbola hiondraa amina sidina hafa indray hamonjy an’i Nosy Be, lasa midangana be ny sarany. Raha ho an’ny seranam-piaramanidina Ivato- Antananarivo kosa dia efa in-dimy isan-kerinandro no misy sidin’ny Ethiopian Airlines avy any Addis Abeba.Hatreto izany dia kaompania 4 no mampifandray an’i Nosy Be amin’izao tontolo izao dia ny Neos Air, Air Austra, Ewa Air ary Ethiopian Airlines.
Nangonin’i RTT
