airtel

Fifamoivoizana

03-avril-2023

Fifamoivoizana

Taxi brousse nirehitra Mpandeha 7 may kila, 19 naratra mafy

Sample post image

Nifanesisesy ny loza nitranga teto amintsika ny faran’ny herinandro teo.

03-avril-2023

Taxi brousse iray marika Mercedes 307 mitondra laharana 1850 UD mampitohy an’i Tolagnaro sy Ambovombe Androy (RN13) indray ny sabotsy teo no nirehitra teny am-pandehanana ka mpandeha miisa 07 no may kila forehitra vokatr’izany niaraka tamin’ilay fiara. Noraofina toy ny hena masaka tao anaty fiara mihitsy ny vatan’izy ireo ka avy hatrany dia natao tao anaty lamba fotsy. Miisa 19 kosa ireo naratra mafy ka ny 5 tamin’ireo no manaraka fitsaboana ao amin’ny hopitaly Amboasary atsimo amin’izao. Ny 5 hafa noentina any Ambovombe Androy raha nalefa vonjimaika any Tôlagnaro ny 9 ambiny. Miankina amin’ilay ratra sy fery nahazo azy ireo mantsy no mantsy nitsinjarana azy. Voatazona sy hanaovana famotorana ao amin'ny gendarimarian’ Amboasary Atsimo noho izany ilay mpamily izay fantatra fa vao 30 taona monja. Vokatry ny olana ara-teknika moa raha araka ny loharanom-baovao azo no nampirehitra ity taxi brousse iray ity saingy ny fanadihadiana hataon’ny manampahefana ihany no tena hamaritra izany. Ny 80%-n’ny loza mitranga tahaka itony moa amin’ny ankapobeny dia vokatry ny tsy fitandreman’ny mpamily avokoa raha vokatry ny olana ara-teknika ny 20%, antony tokony hisian’ny fikojakojana ny fiara sy ny fanaraha-maso izany mialohan’ny hiaingana eny amin’ny tobim-piantsonana.
Nangonin’i Pati
 

Dans la même rubrique

17-juin-2024

Nogiazana avokoa ireo kodiaran-droa na «moto» tratra tsy nanara-dalàna

Card image cap
17-juin-2024

Tra-doza ny fiara nitondra ny mpianatra Lycée Mixte marobe avy any Vohemar izay

Card image cap
14-juin-2024

Tratry ny lozam-pifamoivoizana tany amin'ny RN1 hiditra an'i Miarinarivo ny tarika Sahondrafinina

Card image cap