Voafidy ho filohan’ny Biraon’ny Mpiandraikitra Foiben’ny FJKM mandritra ny 4 taona manaraka indray raha araka ny fifidianana omaly hariva ny Dr Irako Andriamahazosoa Ammi, mpitandrina.Fotoam-piasana faharoa ho azy io satria dia efa izy ihany moa no lehiben’ny FJKM am-perinasa amin’izao fotoana.Ny 11 aogositra lasa teo no nanomboka ny Synoda lehibe faha 19, izy ity moa no rafitra ambony indrindra mpanapa-kevitra eo anivon’ny FJKM izany hoe handinihana ny fiainan’ny Fiangonana ny izay fandaminana rehetra tokony atao ary ny fifidianana ireo mpiandraikitra foibe sy ny birao mitantana izany.Ifampierana ary ankatoavina amin’ny alalan’ny fifidianana araka ny rafitra misy ny fanapahan-kevitra rehetra eo amin’ny sahan’ny FJKM, na isam-pitandremana izany na ho an’ny foibe.Maro ny resaka nandeha manodidina ity Synoda lehibe notanterahana tany Sambava ity, fa vita soamantsara tao anatin’ny filaminana moa iny ny fifidianana koa dia hitarika ny Fiangonan’i Jesoa Kristy eto Madagasikara mandritra ny 4 taona manaraka indray izany ny Dr Irako Andriamahazosoa Ammi, mpitandrina.
RTT
