nentin’ny Fiangonan’i Jesosy Kristy eto Madagasikara na ny FJKM nanankinana amin'Andriamanitra ny taom-piasana 2021 sy ho fangataham-pitahiana ny filohan'ny FJKM sy ny ankohonany. Noho ny mbola maha eo ny valanaretina covid-19, dia isan’ny nanentana ny fanajana ny fepetra indrindra fa ny fanaovana arovava orona ny FJKM satria mizara aina mantsy ny fiangonana fa tsy mizara aretina sanatria. Hafatra nentin’ny Filohan’ny FJKM Mpitandrina Dr Irako Andriamahazosoa Ammi ny hoe: “Miorena tsara, mahereza tsara, miasà tsara”. Ny hoe miorena tsara dia mila marina ny fibebahana, manaiky marina an'i Jesoa ho Mpamonjy, miorina tsara amin'ny fivelomana amin'ny Tenin'Andriamanitra; ny “Mahereza tsara” kosa dia mahery amin'ny fanefana ny adidy, enga anie isika ho toy ny Kristiana Makedoniana (II Korintiana 8:1-5), raha marina ny fanoloran-tenantsika dia malalaka ny tanana amin'ny fanolorana ho an'Andriamanitra, mahereza amin'ny vavaka, mivavaha manokana ho an'ny Synoda Lehibe isak'Alahady any amin'ny isam-pitandremana, tsarovy am-bavaka ny Filohan'ny FJKM satria amin'ity taona ity dia sady hisahana ny FFPM ihany koa izy. Tsarovy am-bavaka ny firenena ho resy ny valanaretina, ary ho avy ny orana, hoy ny hafatra. Ny hoe “miasa tsara” kosa, dia misy toerana telo asongadina manokana ilàna ny fifanomezan-tanan: Imerimandroso Ambatondrazaka ivon-toerana fanofanana mpampianatra, ny eny Ivato izay misy ny Toeram-panomanana Mpitandrina, tsangambaton'ny faha-50 taona ny nananganana azy, izay nisaorana manokana ny Fianakaviana Marc Ravalomanana tamin'ny anjara lehibe noentin'izy ireo, ny any Androy izay mila vonjy aina ny any amin'ny alalan'ny fizaràna sakafo sy rano, efa nisy ny dingana voalohany natao notarihan'ny Sekretera Jeneralin'ny FJKM, ny Doyen Faculté Théologie, ny Mpitandrina Atsimon'Imahamasina Tiana Alisoa Ranaivoniarivo izay nandeha tany an-toerana tamin'ny desambra 2020.
Toky R
