Finoana

notarihan'ny rafitra mpanatanteraka eo anivon’ny Fiangonan’i Jesoa Kristy eto Madagasikara na FJKM natao tao amin’ny FJKM Atsimon’Imahamasina. Ity fivorian'ny komity lehibe ity, hoy ny fanazavana, dia natokana hanatanterahana ny fifidianana ny birao vaovao hitarika ny SPAA 10, ka ireto avy izany, filoha mpanampy mpitandrina; Ramamonjiarisoa Robert, mpitandrina, FJKM Betafo Fanavaozana Ambohimanarina. Filoha mpanampy laika; Andrianatoandro Sitraka Todisoa, FJKM Ambodimita Betela Firaisana. Mpitan-tsoratry ny fivoriana; Andrianarivelo Volasoa, Mpitandrina, FJKM Ambohitsiroa Malala. Mpitan-tsoratry ny vola; Ndrianjaka Maheriarisoa Falimanana, FJKM Ambohitsiroa Fitiavana. Mpitahiry Vola; Rakotondramanana Veromalala Seheno, FJKM Anosivavaka Ambohimanarina. Mpanolo-tsaina; Radimisaon Jonah, Mpitandrina. Rehefa vita ny fifidianana omaly tamin’ny 4 ora sasany hariva dia natolotra ny prezida synodaly vaovao izay notendrena nandritry ny fivorian’ny mpiandraikitra foibe farany teo, ny mpitandrina Razafindrakoto Hasinarivo Andriambalohery, hoy hatrany ny tati-baovao voaray omaly.
 
Somary nisy savorovoro ity raharaha SPAA10 ity omaly satria nisy ny hetsika fanoherana ny fametrahana ny prezida synodaly vaovao. Tsy manaraka ny foto-dàlana mifehy ny FJKM ny fanesorana ny filoha amperin'asa sy ny birao, izay tokony hamita ny fotoam-piasana 5 taona (2012-2025), hoy ireo nanao fihetsiketsehana.Ankoatr’izay dia tsy misy antony mazava nanesorana azy ireo.Mangataka fifampidinihana ireto fiangonana ireto ary mitaky ny hanajjana ny fitsipika sy ny foto-dalàna Fjkm.
J. Mirija