Finoana

Antony mampirongatra ny fifamonoan’ny mpivady amin’izao fotoana ny tsy fahafantarana izany hoy pastera Heritiana Randriarimalala, filoha mpanorina ny trano fivavahana Vahao ny oloko. Toraka izany ihany koa hoy izy ny haratsian’ny fiainana izay tsy mitsahatra mihalalina hatrany. Rehefa variana amin’ny vola sy ny harenan’ny olona iray tiaviny mantsy ny vehivavy na lehilahy iray hoy hatrany pastera Heritiana dia tsy mahita ny tena toetran’ilay olona intsony. Rehefa tafaraka elaela ao anatin’ny tokantrano ny olon-droa vao hita fa mpamono vady ralehilahy ohatra hoy hatrany izy na mpampirafy ravehivavy ka raikitra amin’izay ny fifamonoana. Mikasika itsy voalohany manokana dia nomarihiny fa misy lehilahy efa mikoriana any anaty rany mihitsy ny famonoana vehivavy. Efa voafatotra ihany koa ny fanahiny hoy pastera ka tsy mety raha tsy mandratra olona. Tsy misy fomba hahafahana manafaka azy ireny afa-tsy ny vavaka ihany anefa hoy izy raha toraka izay ihany koa ny fangatahana fahendrena.
Pati
Legende : Randriarimalala Heritiana, filoha mpanorina ny trano fivavahana Vahao ny Oloko