Finoana

Samy manana ny fomba fijeriny momba izany ny tsirairay amin’ny ankapobeny. Ao ireo mihevitra fa ny fihinanana sakafo hanim-pito loha sy ny fanaovana akanjo vaovao no hatao hoe : fety. Ao koa anefa ireo mihevitra fa ny fijangajangana amin’ny alalan’ny filalaovana vehivavy sy ny fimamonoana no hatao hoe : fety….Rehefa nanontaniana ny mikasika izany pastera Heritiana Randriarimalala, filoha mpanorina ny trano fivavahana Vahao ny oloko dia nambarany fa tsy misy mahadiso ny manao fety mihitsy. Notsindriany mafy kosa anefa fa tsy fotoana tokony fanaovana adalana ny fotoanan’ny andro fety. Raha amin’iny fotoana iny mantsy no mamoy ny ainy tampoka ohatra ny olona iray raha araka ny fanazavany dia avy hatrany dia very tsy misy indrafo. Maromaro ihany mantsy ireo tranga miseho rehefa fetin’ny Noely sy ny faran’ny taona tahaka izao toy ny fisian’ireo olona mamo tampoka ka mamoy ny ainy mihitsy ny sasany….Hafatra hampitain’ny pastera Heritiana amin’ny rehetra araka izany ny tokony hahaizana mifety ao anatin’ny fitoniana sy ny fatahorana an’Andriamanitra. Ny fiainana ao amin’Andriamanitra ihany hoy izy no tena azo hitokisana sy misy hihafarana.
Pati
Legende : Pastera Heritiana Randriarimalala, filoha mpanorina ny trano fivavahana Vahao ny oloko