Fankalazana ny taom-baovao malagasy

hoy ny raiamandreny ara-drazana, Josephin Andriandrainarivo, fa fametrahana fotsiny hoe aleo hajanona ilay adihevitra hoe iry izy, iry tsy izy. Samy izy ilay taom-vaovao fankalaza isaky ny fararano na isaky ny martsa sy aprily. Toy izany koa ilay isaky ny lohataona manomboka aogositra hatramin’ny oktobra. Septambra no ivon’io ary natao tsinam-bolana amin’iny septambra iny satria isika malagasy mpanao zavatra manaraka volana. Io izany no atao hoe taom-baovao lohataona ho an’ny malagasy. Ambaratonga maro tsinona no ho resahana hangatahana azy io ho andro tsy fiasana nefa andraisan-karama. Isany ny fitondram-panjakana izay ahitana minisitra maromaro. Ny fetim-pinoana jiosy maro aza ankalazaina eto, ny fety silamo miisa 2, samy tsy iasana fa andraisan-karama avokoa izany ka heverina fa rariny raha mba atao toy izany koa ireo miisa 2 antsika ireo. Raha azo ilazana izany rehetra izany hoe miravina ny disadisa dia miravina izany satria efa nifanaiky ny roa tonta fa tsy hifanenjika intsony. Ny taom-baovao isaky ny volana martsa dia vokatry ny fikarohana nataon’ny Dr Rakotonirainy Joseph. Io no nampita azy tao amin’ny Trano koltoraly dia ireo indray avy eo no nampita azy tamin’ny taranak’Ambohitrabiby. Hafa noho ilay Alahamadibe hamonjena doany sy ny tahaka izany io. Manana ahiahy ny fitondram-panjakana, indrindra, ny ao amin’ny minisiteran’ny kolontsaina hoe ireto mpandraharaha eto Madagasikara eto, toy ny mpampiasa amin’ny orinasa afakaba ireto ve hanaiky an’izany andro miisa 2 ho atao tsy fiasana izany? Dia miverina amin’ilay adihevitra momba ny fety Kristianina sy Silamo teo isika, hoy hatrany ny tenany.
J. Mirija