tia tanindrazana

Parution du Vendredi, 25 Novembre 2022

airtel

kolontsaina

Fanovana atao eny amin’ny Rova “Izay nanota fady teo niongana avokoa…”

Niparitaka tamin’ny tambajotran-tserasera omaly ny sary maneho ny fikitihana sy fanamboarana indray eny Anatirova. Ny tranovola no amboarina,

28-sept-2022

Sample post image

natsangana amin’ny alalan’ny fampiasana “béton” sy “parpin”, izay niteraka ady hevitra. Nilaza kosa ny Lehiben' ny Fianakaviamben' ny Mpanjaka eto Madagasikara, Dr Ndriana Rabariolina fa mitohy ny tsy fanajana ny fomba sy ny fenitra, tsy nisy fiherana sy fifampiresahana. Naneho fa ny Rovan’Antananarivo dia toerana masina sy vakoka manan-tantara nandritra ny taon-jato maro. Tokony hajaina araka izany ny hasina sy ny fomba nanarenana azy tahaka ny fahiny, ny fomba amam-panao ary ny fady, izay mariky ny maha-izy azy ny firenena, ka tokony hatao amin'ny endriny taloha izay nanaovan' ireo mpanjaka azy fa tsy hovaina na hampiana na hanalàna. Raha tranohazo ny tranovola dia tokony haverina tranohazo, tsy tokony hasiana “parpin” sy “béton”, hoy ny Dr Ndriana Rabarioelina. Ny fanarenana ny Rova dia tokony manaja ny hasina, ny fomba amam-panao, ny soatoavina Malagasy, indrindra fa ny soatoavina Andriana misy, hoy ahatrany izy. Nahitsy izy naneho fa ny tsy fanajana ny hasina sy ny fomba fanarenana ary ny fady ao amin' ny Rova Antananarivo dia miteraka loza ho an' izay manota fady, hoy hatrany izy. “Izay manota fady dia tsy maintsy hiharan’ny loza. Raha tsy fahalalana na tsy fanahy iniana dia manao antso avo izahay, hovay ny famindra. Izay nanota fady teo hitanay, dia niongana avokoa”, hoy ity Lehiben' ny Fianakaviamben' ny Mpanjaka eto Madagasikara ity. Manao antso ny Fiombonambe, ny fianakaviam-ben’ny Andriana merina izy noho izany satria tsy nahazo fankatoavana avy amin’izy ireo ny fikitihana. Manao antso avo ho an’ny merina enin-toko, ho an’ny vahoaka Malagasy na ny eto an-toerana na any ampitan-dranomasina. Manan-kanja ny vakoka eny amin’ny Rovan’Antananarivo, ary ny firenena Mikambana dia sarotiny amin’ny fikajiana ny vakoka manan-tantara tahaka ireny, ka tsy tokony hovaina araka ny fitondrana misy, hoy hatrany io taranaka Mpanjaka io.


Notsipihiny fa ny “Colisée Romanina” sy izay zavatra natsangana taty aoriana ka tsy mifanaraka amin’ny vakoka nataon’ireo mpanjaka teo aloha dia tsy maintsy harodana sy haverina amin’ny nananganan’ireo mpanjaka azy teo aloha. Roa taona aty aorian’ny fahavitany, tsy mbola notokanana io “colisée” io, ary ny 6 novambra 2021 nitokanana ny fahavitan’ny fanamboarana ny Rova, nisy ampanjaka avy any amin’ny faritra ka asa na fifandriafian-javatra ihany na ahoana?
Toky R
 

Dans la même rubrique

Card image cap
Fampirantiana sary mitantara an’i Afrika Madagasikara no mandray azy voalohany
25-nov-2022

Nampahafantarina omaly tetsy amin’ny Hakanto contemporary Ankadimbahoaka ny hetsika fampirantiana ara-java-kanto faha 6 tao anatin’izay 3 taona nisian’ity tranoben’ny kanto eny an-toerana ity izay.

Card image cap
Fifehezana ny teny Frantsay Mila fampiharana amin’ny fiainana andavanandro
25-nov-2022

Betsaka ireo mitaraina ho tsy mahafehy sy tsy mahafolaka ny teny Frantsay eto amintsika. Miainga amin’ny ankizy mpianatra izany ka hatramin’ny mpiasa indrindra fa ilay fahaizany mampiasa azy amin’ny fiainana andavanandro.

Voir plus