kolontsaina

Hisantatra izany ny rindran-kira lehibe izay ho tanterahana etsy amin’ny CC ESCA Antanimena ny alahady 17 oktobra amin’ny 3 ora tolakandro ho fanamarihana ny faha 50 taonan’i Lilie, ilay mpanankato vehivavy diso fantatry ny rehetra amin’ny fananany feo avo sy ny fahaizany manokana mamelona ny sangan’asan’ireo mpihira vehivavy nalaza fahiny toa an’i Jeannette, Celéstine, Fara, Henriette, O’Suza sy ny hafa. Isan’ny mahavariana amin’ny talentan’ity mpanankanto ity, ny fahaizany maka tahaka ny feon’ny tompon’ireo hira hindraminy sy ny fahaizany mamelona ireo hiran’ny omaly izay. Hiavaka ity fampisehoana ity, raha ny fanazavana, satria ho vavy tokana i Lilie amin’io ary ireo mpanankanto lehilahy efa zatra niaraka taminy nandritry ny taona maro no hampiara-peo aminy. Isany ry Salomon, Gothlieb , Rija Ramanantoanina, Luc ,Mahery. Zozoh kosa no hitarika ireo mpitendry hanaraka an’i Lilie amin’io lanonana goavana io, raha ny fanazavana hatrany.
J. Mirija