Cyril Damien François, ary na ireo zanak’Alaotra any dilambato aza tonga manotrona hatrany. Tsy manana ampanjaka moa ny sihanaka fa mpanazary. Nisy mpanazary tamin’izany fotoana izany nitantana ilay tanàna. Zetra ny tanana misy anay taloha. Zozoro no manodidina azy. Nisy zazakely iray nisongadina teo amin’ny fiarahamonina. Tsakarato, izay zavatra makarakara, ohatra, no natsakany rano ary tena velona ny omby karakarainy. Hoy izy hoe rehefa tsy eto intsony aho dia misy tehana ity ka ataovy fiaro aomby rehefa hitanareo. Ao izany no fahatsiarovana azy, izany hoe, ilevenany. Isaky ny 5 taona no nanaovana Fiaro aomby tamin’ny voalohany fa rehefa nitombo ny mponina dia lasa natao isaky ny 2 taona ilay izy. Ireo lehilahy matanjaka no maka io atao hoe rombazana na hazo miaro vatana izay misy tsilo io any amin’ny 30km mandroso sy miverina. Izany hoe 60km ary tsy mahazo mikilaoty fa manao malabary na miaraka amin’ny sikina. Miainga amin’ny 7 hariva dia amin’ny 5 maraina vao tonga ao amin’ilay tanana. Misy koa ny maka ny atao hoe latsy sy hasimbola. Ny olobe rehetra, tangalamena, vahoaka eo amin’ny 100.000 isa no manao an’io any aminay. 7 sy 8 novambra no tena tokony hanaovana azy fa amin’ny maha “festival” azy moa dia nitarina hanomboka ny 3, 4, 5, 6, 7, 8 novambra. Fampihavanana an’Alaotra io. Tsy manana mpanandro I Anorohoro fa efa mandeha ho azy ny azy ny famantarana ny andro ratsy sy tsara hanaovan-javatra. Hangataka amin’ny minisitera tomponandraikitra izahay mba hahatonga ity hetsika ity ho isan’ny vako-paritra aty aminay na vako-pirenena mihitsy, hoy hatrany ny fanazavan’ny ben’ny tanana sy ireo mpikarakara.
J. Mirija
