kolontsaina

 izay voafidy ho Miss Analamanga. Fiofanana isan'andro, fanadinana isan'andro, izany no iainan'izy ireo ao amin'ny Villa ka mpanofana efa matihanina sy za-draharaha no mampianatra azy ireo. Niditra tamin’ny dingan'ny ampahefa-dalana nanomboka ny 28 novambra teo, natao tao amin’ny Tv plus Amphi Ivanja Ambohitsoa ka tafakatra dingana manasa-dalana i Princia Rakoto, ary mbola tafavoaka tamin’ny manasa-dàlana izay notontosaina tao ihany ny alahady 05 décembre lasa teo. Noho ny ezaka nataony, tafita hiakatra ny dingana famaranana izy ny alahady 12 desambra 2021 izao ao amin’ny Gymnase Couvert Mahamasina amin’ny 02 ora tolakandro. Catalaya Brown sy JaomatanA no mampiakanjo an'i Princia isaky ny miaka-tsehatra. Marihina fa izay voafidy ho lany Miss Madagascar eo no hisolo-tena antsika any Philippine sy any Frantsa hiatrika ny fifaninanana iraisam-pirenena ho an'ny taona 2022. Isan’ireo tsara toerana hisalotra ny anaram-boninahitra Miss Madagascar i Princia Rakoto, izay vao 17 taona, mpianatra lalàna (3e année en Droit) eny aminn’ny anjerimanontolo ary eo am-panomanana ny fanohanan-kevitra (Soutenance) hakana ny licence, ary eo am-panomanana koa ny “tournage Film” izay mampalaza ity kintan'ny Novegasy. Manantena ny fanohanan’ny rehetra ho tonga eny amin’ny Gymnase Couvert Mahamasina i Princia Rakoto ny Alahady 12 desambra 2021 ho avy izao, araka ny fanentanana nataony.
Toky R