tia tanindrazana

Parution du Vendredi, 25 Novembre 2022

airtel

kolontsaina

Fikambanana Ny Apinga Kabary “Fototry ny fampandrosoam-pirenena ny kabary”

15 taona izay no nijoroan’ny fikambanana Ny Apinga kabary ara-panjakana, hoy ny filohany, Manampisoatoavina Mitahiry Fahendrena.

16-sept-2022

Sample post image

Nampianatra kabary maimaimpoana hatrizay izahay, hoy izy, ary an-arivony ireo mpianatra efa nivoaka tato. 500 isa isan-taona no mpianatra avoaka, izany hoe mpikabary asandratra, isaky ny fankalazana ny 1 volan’ny teny malagasy. Mivoy sy mampianatra ny fiarahamonina hampiasa ny teny malagasy isan’andro izahay izao. Ny alarobia 21, sabotsy 24, alahady 25 septambra, samy amin’ny 2 ora no fidirana ho an’izay vonona, arakaraky ny safidin’ny tsirairay. Toy izany koa ny toerana ianarana na CEG Ampefiloha na EPP Antsahabe, CEG Bemasoandro Itaosy, Lisea tsy miankina Imerina afovoany Talatamaty, Lisea tsy miankina Masindahy Jean Anglikanina Ambohimangakely. Tanjona ny hoe “tokantrano iray, mpikabary iray” satria isaky ny tokantrano no hamerenana ny hasin’ny fiarahamonina. Tsy ho faty mihitsy io kabary malagasy io satria vao teraka ny zaza dia misy ny hoe “Kabary fiarahabana terabao”. Raha zazalahy ilay zaza dia mbola misy ny “arahaba ririnina”. Raha nahavita fianarana dia arahabaina koa. Misy ny kabary am-panambadiana, kabary an-karatsiana, kabary amin’ny famadihana. Fototry ny fampandrosoam-pirenena koa io satria fanandratana sy fikojakojana kolontsaina. Efa hitan’izao tontolo izao io satria ny 15 janoary dia efa lasa andro ho an’ny kabary, hoy hatrany Ny Apinga Kabary, ka andeha hiara-hientana hampandroso ny kolontsaintsika.
J. Mirija
 

Dans la même rubrique

Card image cap
Fampirantiana sary mitantara an’i Afrika Madagasikara no mandray azy voalohany
25-nov-2022

Nampahafantarina omaly tetsy amin’ny Hakanto contemporary Ankadimbahoaka ny hetsika fampirantiana ara-java-kanto faha 6 tao anatin’izay 3 taona nisian’ity tranoben’ny kanto eny an-toerana ity izay.

Card image cap
Fifehezana ny teny Frantsay Mila fampiharana amin’ny fiainana andavanandro
25-nov-2022

Betsaka ireo mitaraina ho tsy mahafehy sy tsy mahafolaka ny teny Frantsay eto amintsika. Miainga amin’ny ankizy mpianatra izany ka hatramin’ny mpiasa indrindra fa ilay fahaizany mampiasa azy amin’ny fiainana andavanandro.

Voir plus