kolontsaina

izay nahazoany fankatoavan’ny OMS tamin’ny febroary 2021, ary hamafisina amin’izao fotoana izao ny fiaraha-miombon’antoka eo aminy sy ny OMS niainga tany amin’ny 1985. Hetsika maro no karakarain’ny CNARP mba hanamarihana izao tsingerin-taonany izao. Mikendry fisokafana hatrany amin’ny rehetra hanatsarana ny ambahidahin’ny fikarohana sy famokarana ataony. Iray amin’ireo ivonteram-pikarohana nasionaly eo ambany fiahian’ny Minisiteran’ny fampianarana ambony sy ny fikarohana ara-tsiansa moa ny CNARP. Ho an’ity taona ity, maherin’ny 21 ny voka-pikarohana navoakany. Manampy ireo mpikaroka sy mpianatra mameno ny manatomombana ny dingana arahiny amin’ny fizaran’asa momba ny fikarohana ihany koa,... Izany indrindra no nikarakarany atrik’asa na « symposium» etsy amin’ny foibeny etsy Ivandry nanomboka omaly 30 novambra haharitra 3 andro, nampitondraina ny lohateny hoe: «La complémentarité de la medicine traditionelle et de la medicine conventionnelle ». Ankoatra ireo fandaharam-potoana izay miompana kokoa tamin’ireo siantifika, nanomana tranoheva mitodika kokoa ho an’ireo mpisehatra voakasiky ny lohahevitra ihany koa ny CNARP. Misy ny atrik’asa sy fihaonana an-databatra boribory handinihana lohahevitra maromaro mandritra ny telo andro: « Médecine Traditionnelle et Pharmacopée » ho an’ny omaly; « Santé, Médecin, One health », « Recherche scientifique à visée thérapeutique » anio, ary “Santé, bien-être et produits nuraceutique,… », « Produits naturels, phytothérapies et aromathérapies » rahampitso, arahin’ny lalonam-pamaranana hisiana fanomezana loka. Naneho fiarahabana manokana ny CNARP Tale Jeneralin’ny Fikarohana siantifika Pr Heriniaina Ramanankierana, izay nisolo tena ny minisitra omaly, ary nidera noho ny « Symposium » nosokajiany ho fotoan-dehibe maneho ny fametrahana amin’ny toerany ny lanjan’ny fikarohana eto anivon’ny firenena ny hetsika lehibe tahaka izao. Nankasitraka manokana ireo mpandray anjara, mpiara-miombon’antoka, ary mpiara-miasa noho ny fifanomezan-tànana kosa Talen’ny CNARP Pr Rianasoambolanoro Rakotosaona.
Toky R