kolontsaina

Hatrany am-ponja dia ahitana io tranga io raha araka ny fijoroana vavolombelona nataona Renim-pianakaviana iray niaina izany nefa mety hiantefa amin’ireo vao avy natao mariazy ihany koa. Raha araka ny fanazavan-dRakotonanahary Narisitraka, mpitantana ny fikambanana Gasy Tsara Fomba no sady mpitsabo dia mety ho avy amin’ny fitazonana zavatra no antony mahatonga ireny fanahy manam-bady amina vehivavy iray ireny. Ilay zavatra tazoniny iny no mivadika ho fanahy manam-bady azy raha hazavaina kokoa. Ankoatra io dia fantatra fa misy ihany koa ireo nasian’ny olona ratsy. Misy ohatra ireo hialonan’ny sasany noho ny fiainana tsara hananany sy ny fahombiazany ara-pitiavana ka nanaovany zavatra hafa. Mety mahafaty ny fanahy manam-bady raha tsy voatsabo no sady mampisaraka mpivady ihany koa raha araka ny fanazavan-dRakotonanahary Narisitraka hatrany. Tsy voatery ho lafika ao amin’ny kibo araka izany no tsy mampiteraka ny vehivavy fa eo koa ity fanahy manam-bady ity. Marihina moa fa toy ny manao firaisana ara-nofo mihitsy ny fanahy iray rehefa manam-bady vehivavy iray ary mampatory ilay lehilahy heveriny ho rafilahiny eo akaikiny.
Pati
Legende : Rakotonanahary Narisitraka, mpitantana ny fikambanana Gasy Tsara Fomba