.jpg)
ny faran'ny herinandro teo, tao Fizono, kaominin'i Mahavelona Maroantsetra, raha ny fampitam-baovao voaray. Misy ny disadisa, hoy ny fanazavana. Tsy eken'ireo mponina ao Fizono ny hiarahan'ireo olona avy amina foko iray honina sy hila ravinahitra eo amin'ny fokontanin'izy ireo. Sarotra amin'izy ireo ny hiara-hiaina amin'iretsy mpiray tanindrazana avy amina faritra hafa iretsy. Vao tonga teo an-tanàna ny mpitondra sy ny solontenan'ilay foko dia sora-baventy sy hirahira maneho tsy fifaliana no nitsena azy ireo. Nifandinika tao am-piangonana ny roa tonta sy ny solontenan’ny fitondram-panjakana mpanelanelana, nandritra ny ora 4, saingy tsy nisy ny marimaritra iraisana hita. Tsy nanaiky handray mpihavy ireo tompon-tany. Rehefa tsy nisy tapaka dia rava ny fivoriana. Ny alatsinainy teo no voalaza fa nampanantsoin'i lehiben'ny distrika ny ben'ny tanàna sy ny lefiny mikasika izay vahaolana manaraka ho raisina, raha ny fampitam-baovao voaray farany hatrany. Andrasana araka izany ny vahaolana mikasika ity disadisa ara-poko ao Mahavelona Maroantsetra ity.
J. Mirija
