kolontsaina

araka ny tatitry tao amin’ny pejin’io minisitera io. Lohahevitra nodinihana ny fanatanterahana ny fampodiana ny « Kabeson’ny Mpanjaka Sakalava TOERA », araka ny fampanantenana nataon’ny Filohan’ny Repoblika malagasy, Atoa Andry Rajoelina. Efa miroso dia miroso ny fanadihadiana ara-teknika sy ara-tsiantifika (identification ADN) amin’ireo karandoha tehirizina ao amin’ny « Musée National d’Histoire Naturelles » na ny « Musée de l’Homme mba ahalalana izay tena Kabeson’ny Mpanjaka Toera, hoy hatrany ny tatitra. Nambara fa naneho ny fahavononany hanampy amin’ny dingana rehetra mbola hatao ao anatin’izay fampodiana ny Kabeso izay ny Minisitry ny Kolontsaina frantsay, ary hijery ny pitsopitsony araka ny lalàna ny roa tonta ahafahana manatanteraka izany faran’izay haingana. Tao anatin’io fihaonana io koa no nanambaran-dRamatoa minisitra Lalatiana Andriatongarivo ny fangatahan’ny firenena malagasy hampody ireo vakoka ara-kolontsain’i Madagasikara izay mbola tazomin’ny firenena frantsay. Tapaka tao anatin’ny diniky ny roa tonta ny handefasana mpikaroka malagasy hamantatra ireo vakoka malagasy ireo, indrindra ireo tehirizina any amin’ny Mozea frantsay. Izany dia mba ahafahana miroso amin’ny fanisana mazava azy ireo na « inventaire » mialohan’ny hampodiana azy rehetra aty Madagasikara. Izany eo ihany fa mba manao ahoana ireo Nosy Malagasy giazan’ny Frantsay nampanantenaina ny hahazoana azy mialohan’ny 26 jona 2020 ? Manao ahoana ihany koa ilay volamena 73,5 kg nolazain’ny Mpitondra Fanjakana fa tsy maintsy hampodiana eto nialohan’ny 12 janoary 2021 ?
Toky R