Mialohan’ny higadonany ao an-toerana dia handalo andro vitsy ao Paris Frantsa, hihaona amin’ny fianakaviana sy hanatanteraka fakan-tsary aloha ity andriambavilanitra Malagasy ity. Ny 21 novambra hatramin’ny 16 desambra 2021 izao moa no ho tontosaina ny dingana famaranan’ity fifaninanana iraisampirenena goavana indrindra eo amin’izay lafiny voalaza teo izay ity. Ankoatran’izay fijerena ny lafiny tarehy sy bika izay anefa dia ho jerena amin’ny mpifaninana tsirairay ihany koa ny fahaiza-manao hafa ka hisy noho izany mialoha ny hiaingana ao Paris amin’io 21 novambra io ny fanofanana amin’ny lafiny fanatanjahantena, asa famoronana eo amin’ny resaka fianjaika ary hisy ihany koa ny fametrahana fanontaniana ireo mpifaninana rehetra mikasika ny fahalalana ankapony avy. Tsara ny manamarika fa nialohan’ny naha Miss Madagascar 2020 ny volana jolay 2020 azy dia lany Miss Diaspora nandritry ny fifaninanana nokarakarain’ny fikambanana Dera tao Frantsa ihany koa I Saya Nellie Anjaratiana ny 12 oktobra 2019.
J. Mirija
