kolontsaina

Tena loza mananontanona ho an’ny fitaizana ny zaza Malagasy izy ireny raha araka ny fanazavan-dRamamimampionona Gérard izay mpandinika ny fiaraha-monina ka tokony handraisan’ny tompon’andraikitra fepetra. Diso mandray azy ireny loatra mantsy ny ankizy noho ny fivoaran’ny teknolojia ankehitriny. Amin’ny alalan’ny finday eny an-tanany dia efa mihaino sy mijery ny ankizy iray ka tavela sy tsy voarain’izy ireny intsony soa toavina Malagasy hoy hatrany izy. Miantso ny Ray aman-dReny ho mailo araka izany ity tompon’andraikitra ity ka hanamafy ny fitaizana ny ankizy ao an-tokantrano. Rehefa mafy orina tsara mantsy ny fitaizana sy ny fitsipika tokony arahin’ny ankizy hapetraka ao an-trano dia tsy ho varimbariana foana amin-javatra tsy misy dikany izy ireny hoy hatrany ity mpandinika fiaraha-monina. Miantso ireo tompon’andraikitra mba hijery akaiky ity tranga ity ihany koa Ramamimampionona Gérard ho fiarovana ny fanabeazana ny zaza Malagasy.
Pati