Hankalaza izany, ny tarika ato ho ato fa tsy avela handalo fotsiny io vanim-potoana lehibe, hoy ny fanazavàn’izy ireo. Hisy, noho izany, ny fampisehoana goavana ao amin’ny lapan’ny kolontsaina sy fanatanjahantena Mahamasina, izay ho ampahafantarina miandalana. Heverina ho tetezina ao anatin’izay ireo vazo nanamarika hatramin’ny taona 1995, noforonan’ny tarika no ho nankaty. Tao ry «Revy sa ditra?», «Tsy digniko!», «Mahatsiaro» sy ny hafa maro tsy voatanisa. Andrasana, araka izany, ny fanampim-baovao miandalana momba izany, raha ny fanazavàna hatrany.
Nangonin’i J. Mirija
