hoy ny mpitarika ny tarika mpiangaly vakodrazana, Rabejean Miarinarivo. Amin’ireny fampisehoana na mariazy sy ny sahala amin’izany ireny dia matetika efa maka mpanao hira gasy na mpanao vakodrazana ny olona, hoy izy. Ny mampalahelo anefa dia eo ilay fitenenana hoe “Saonjo iray lohasaha tsy ilaozan’izay hamarara”. Mahita isika tamin’ity taona 2022 ity fa anaty fampisehoana misy olona mitanjaka mihitsy na sahala amin’izany. Mahafaly anefa ny maheno hoe efa isan’ny ezaka ataon’ny minisiteran’ny kolontsaina ny hampiditra ny hira gasy ho isan’ny vakoka iraisampirenena. Ny kabary koa izao efa tafiditra. 5 taona izao no nipoiran’ny tarika Rabejean Miarinarivo. Hivoaka amin’io taona 2023 io ny rakikira sy rakipeo voalohany ahitana vakodrazana sy hira gasy ranofotsiny. Vina efa ela io. Miisa 12 no hira ao anatiny. Maromaro ny fandaharana mamarana ny taona satria vao tamin’ny sabotsy sy alahady teo izao izahay no nanao fampisehoana miisa 2 nisintaka kely an’Antananarivo renivohitra. Etsy amin’ny Live Hotel Andavamamba indray izao ny manaraka miaraka amin’ny famoahana mpianatra amina sekoly ambony iray ary ny ankoatrany moa dia any Itasy, hoy hatrany ny tarika.
J. Mirija
