airtel

kolontsaina

06-févr-2023

kolontsaina

Tontolon’ny kolontsaina Nindaosin’ny fahafatesana i Paul Congo

Sample post image

Mpanankato nanana ny maha-izy azy tany amin’iny faritra avaratry ny Nosy iny Atoa Jaoravoana Paul, fantatry ny maro amin’ny anaram-bositra hoe : Paul Congo.

06-févr-2023

Mpanoratra ihany koa izy ary tsy nitsahatra ny nanao izany na dia efa 71 taona aza, mampahafantatra ireo taranaka faramandimby ireo karazana kolontsaina tokony ho fantany fa tsy ho variana fotsiny amin’ny fivoaran’ny teknolojia ankehitriny. Ny nampalahelo anefa dia nindaosin’ny fahafatesana tamin’ny faran’ny herinandro teo Itompokolahy. Anisan’ny asa goavana mbola niantsorohany talohan’izany ny nitantara angano Sakalava sy Antakarana tamin'ny haino aman-jery maro tamin’ireo ankizy sy tanora any an-toerana, lovan-tsofina anisan’ny manana ny maha-izy azy eny anivon’ny fiaraha-monina no sady mbola azo hitaizana tsara ny ankizy ihany koa. Tao anatin’ny alahelo tanteraka no nandrenesan’ny rehetra izany. Tsiahivina moa fa filohan’ny Fikambanan’ny Mpikabary Malagasy ao Antsiranana ihany koa Itompokolahy. Mpandalina Kolontsaina ary efa niasa tao amin'ny fitaleavam-paritry ny kolontsaina tany an-toerana ihany koa izy. Anio no alevina any amin’ny fasan-drazany any Antsakoamanondro Ambanja Antsiranana ny nofo mangatsiakany. Mirary fiononana feno ho azy sy ny fianakaviany ny gazety Tia Tanindrazana.
Pati
 

Dans la même rubrique

27-mars-2024

Araka ny rafitra iraisam-pirenena momba ny tantara an-tsehatra na teatra dia isaky ny 27 martsa

Card image cap
27-mars-2024

Hafotaka ny fankalazana ny fetin’ny Paska amin’ity taona 2024 ity ho an’ny ao Antsirabe,

Card image cap