Laharam-pahamehana, hoy ny filoha vaovao izay lany,Olivier Samy Harison, ny famondronana ny zanak’I Mahajanga rehetra tsy anavahana. Misy ny tsy fitovian-kevitra sy mampisalasala ka antony andraisako andraikitra miaraka amin’ireto birao vaovao ireto izany, hoy izy, hampivondronana ho ao anaty fikambanana ireo zanak’I Mahajanga. Tsy tokony hisy fifanolanana fa firaisan-tsaina ho fampandrosoana an’I Mahajanga no ilaina. Hisy, noho izany, ny loabary an-dasy atao amin’ny faritra rehetra izay vinaniana ho afaka 3 volana ary ifampierana amin’ireo tompon’andraiki-panjakana sy raiamandreny ara-drazana isanisany izany. Ho avy izahay hitondra ny hetahetanay rehetra momba ny fampandrosoana ilaina ao amin’ny faritanin’I Mahajanga. Tsy manao politika ny fikambanana saingy imasoany kosa ny asa sosialy ho fampandrosoana an’I Mahajanga. Rehefa heverina ho fampandrosoana an’I Mahajanga dia tohananay. Ho alamina ny tsy fitovian-kevitra, hoy hatrany ny FIZAMAMI.
J. Mirija
Legende: Ny filoha Olivier Samy Harison sy ny ekipany
