tia tanindrazana

Parution du Vendredi, 25 Novembre 2022

airtel

Politique

AFERA MALOTO GOAVANA Voatonona matetika ny olon’ny govenemanta

Minisitra ny Mponina Princia Soafilira sy depiote IRD Naharimamy Irma, mpikambana ao anaty kabinetran’ny minisiteran’ny mponina, mpikatroka ao anatin’ny Antoko TGV,…

20-sept-2022

Sample post image

no notondroin’ny gazety an-tsoratra iray ho tompon’antoka amin’ny raharaha solika hosoka sarona tao Toamasina. Taorian’ny fiakaran’ny vidin-tsolika ny volana jolay no maro ny fitarainana momba ny kalitaon’ny solika, ary io misy tratra io ny toerana fanapohana solika amin’ny akora hafa. Tsy nisy fandisoana ofisialy avy amin’ilay minisitra na avy amin’ny governemanta eo anatrehan’ny olony voatonontonona, fa ny Tale Kabinetran’ny Minisiteran’ny Mponina no nanangam-bovona nilaza fa manome fe-potoana 72ora hamoahan’ilay gazety porofo. " Izaho Yan Wilfried Ramananirina, Talen'ny Kabinetran'ny Ministeran'ny Mponina dia manome 72 ora ho an'ny tompon'andraikitry ny La Gazette hampiseho eto amin'ity Gazety ity ny porofo nahafahany namoaka izao lahatsoratra izao." Raha ny lojikan’ny toe-javatra tahaka itony, fitoriana noho ny famoahana vaovao diso sy fanalam-baraka no ataon’ny voatonontonona raha toa ka tsy mitombina tokoa ilay ilay vaovao, saingy tsy mbola naharenesana an’izay, ary fandrahonana aza no setriny. Tsy vao izao no nisy afera maloto, fa efa nisy ilay 64 000 L nanjavona, izay nifanilihan’ny Jirama sy ny orinasa nitatitra solika, izay voalaza fa an’ny vadina depiote iray ao anatin’ny IRD. Voalaza fa henjana ny famonoana afo tamin’io raharaha io, ka nahatonga ireo olona voarohirohy ho nivoaka, ary tsy nisy tohiny intsony ny raharaha mandrak’ity ny androany. Tombanana avy hatrany fa mifanohy ireo, misafelika any amin’ny fampitomboina hadiry, soloina hosoka ny ampahany amin’ny solika, mba tsy ho sarona tahaka ilay 64 000 litatra nanjavona ireny. Avy eo solika mitapoka no miditra amin’ny milin’ny Jirama eny amin'ny “Centrale thérmique” dia tsy mahagaga raha migebona sesilany.
TSY ZAVA-BAOVAO NY MAHENO OLON’NY GOVERNEMANTA
Tsy vao izao no nisy olon’ny governemanta voatonona tamin’ny raharaha afera maloto, tahaka ny nilazan’ny famoaham-baovao fa ny Minisitry ny rano Fidiniavo Ravokatra izay efa minisitry ny harena an-kibon’ny tany no tompon’ny volamena 17kg tratra teny Ivato ny 25 aogostra lasa teo. Tsy sahy nikitikitika ilay orinasan-gazety anefa ny Minisitra izay toa misintona ny saina aman’eritreritra hisaina fa tena mitombina ireny. Nilaza fa vonona hiatrika fanadihadiana ka inona no antenaina amin’ilay hoe: “juge et partie”? Nivoaka indray aza ny vaovao an-gazety fa 33 kg no tena tratra, fa io 17 kg io ihany no nanaovana fanambarana. Toa mamatotra ny mpitondra ny zava-drehetra, ary toa manaporofo izany ny zava-misy hoe: volamena 36 kg any anaty Minisitera aza manjavona. Io ihany koa ny raharaha aferan-tsolika ka hanao ahoana ary
? Toky R
 

Dans la même rubrique

Card image cap
Eliace Ralaiarimanana “Hadio Antananarivo manomboka eto”
25-nov-2022

Nihaona tamin’ny ben’ny tanànan’Antananarivo, Naina Andriatsitohaina, aho anio (TTF: omaly), hoy ny mpanao politika Kristianina sady kandida ben’ny tanànan’Antananarivo teo aloha, Eliace Ralaiarimanana.

Card image cap
Fanjakana tia manenjika sy managadra Manivana moka fa mitelina rameva, tojo ny taolana…
25-nov-2022

Nanakoako ny fanambaran’ireo firenen-dehibe sy vondrona iraisam-pirenena omaly naneho fa manohana ny vahoaka Malagasy sy ny governemanta ary ny fiarahamonim-pirenena amin'ny ady amin'ny kolikoly,

Card image cap
Alain Andriamiseza “Rehefa mitarika fanorenana ifotony dia namanay”
24-nov-2022

Hiroso amin’ny fikaonandoham-pirenena izahay na iza vonona na iza tsy vonona, hoy ny mpanao politika, Alain Andriamiseza. Na iza hanao na iza tsy hanao, hoy izy.

Card image cap
Fikaonandoham-pirenena Raisina ao Antaninarenina rahampitso ireo volavolan-kevitra
24-nov-2022

Ho tohin’ny fanambarana ny 31 oktobra 2022 tao Bel’air sy ny tao amin’ny Soimanga Manakambahiny ny 14

Card image cap
Toe-draharaha politika mafana Tonga manao fakan-kevitra eto ny SADC
24-nov-2022

Manatanteraka iraka eto Madagasikara ny iraky ny Vondrona SADC nanomboka omaly 23 novambra hatramin’ny 28 novambra ho avy izao. Isan’ny heverina ho lehibe ao anatin’io ny resaka politika sy ny toe-draharaha mialohan’ny fifidianana.

Card image cap
Tsy azo atao ankamehana ny fifidianana “Mbola tsy mifampatoky isika malagasy
24-nov-2022

Nampahafantarina omaly tetsy amin’ny Le Pavé Antaninarenina ny fitsanganan’ny Hetsika iombonana ho fanarenana sy fanorenana ifotony an’I Madagasikara na H.I.F.F.I.M.

Voir plus