tia tanindrazana

Parution du Mercredi, 28 Septembre 2022

airtel

Politique

Andry Rajoelina Jamba amin’ny fahoriam-bahoaka…

Hafahafa hatrany ny politikam-pitantanana asehon’ny Fanjakana Rajoelina. Miankina amin’ny tombotsoa politika ny laharam-pahamehana,

10-août-2022

Sample post image

ary indraindray toa sady mahamenatra no mampalahelo. May atsy may aroa mitily sy mijery izay seho sy hetsika azo japiana amin’ny politika, fa jamba amin’ny fahoriam-bahoaka. Ny vidim-piainana tsy voafehy, 09 volana tsy mandray karama ny mpiasan’ny SECREN, 6 volana tsy nandray karama ny mpandanja fiara, 2 taona tsy nahazo ny volany ny orinasa nanao làlana ary mitalaho sy milela-paladia, ny mpiasan’ny zotran-dalamby FCE efa 6 volana tsy nandray karama, ny tambin-karaman’ny mpitsara fanadinana aty amin’ny 2022 vao aloa ny 2021,… Hodiana adala avokoa ireny, ary raha ny an’ny SECREN, toa ny fandalovan’I Marc Ravalomanana any Antsiranana no nampikorapaka nanomezana vary iray gony avy aloha rehefa nanao antso vonjy niantso tolo-tànana ny mpiasa. Ireny anefa omaly tany Mahajanga anefa, nanolotra fiara raitra dia raitra ho an’ny Filohan’ny Fiangonana Loteranina Malagasy ny Filoham-pirenena Andry Rajoelina, nanolotra 20 tapitrisa Ar ho an’ny FKTLM na ny Firaisan'ny Kristiana Tanora Loterana Malagasy hatao nofon-kena mitam-pihavanana amin’ny zaikabe ataony any Mahajanga,... Tsy ny fanomezan’ny Filoha zavatra tahaka an’ireny no ratsy, ary sambatra tokoa ny manome noho ny mandray. Mbola adihevitra hafa ny resaka fampiarahana ny raharaham-panjakana sy ny raharaham-piangonana izay mifanohitra amin’ilay antsoina hoe: “Laïcité de l’Etat”. Ny nanenjehana an-dRavalomanana no miverina, ary ny an’ity farany anefa nesoriny tao anaty lalàmpanorenana io “laïcité” io mba tsy hisian’ny olana tahaka izao, ny fitondrana ankehitriny no namerina azy, saingy io hitsakitsahiny io. Rehefa amin’ny tombotsoa politika mahay maka ny fon’ny fiangonana, lasa malala-tànana,… fa ny mpiasan’ny orinasam-panjakana, ireo manam-bola amin’ny Fanjakana mandadilady etsy sy eroa, tonga hatramin’ny fanaovana tolo-tànana eny amin’ny Lapan’ny tanàna arirarira. Tena izany ve ilay antsoina hoe: Fanjakana tsara tantana? Sanatria ny hitsara fahatany amin’ny fihetsika lasa malala-tànana amin’ny fiangonana fa moa tsy azo hadika ho fihatsarambelatsihy ve raha ny madinika mba mitaky ny valin-kasasarany hatrany amin’ny 10 volana tsy misy mpiraharaha?
« TENA TSY VOAHAJA NY LAÏCITE DE L’ETAT ».
“Tena ampidirana politika ny resaka finoana, tsabahana, ka isan’izany ny raharaha Jesosy Mamonjy izay nilazana mihitsy fa ny Antoko TIM no manakorontana ao, kanefa izy ireo no mitady làlana ara-politika. Nomena “franchise douanière” ny fampidirana kitapo izay tsy fantatra hoe ny fiangonana sa olon-kafa no nanafatra azy. Raharaham-piangonana manokana an’ny katolika JMJ ka nahoana no tsabahan’ny Fanjakana. Eto anefa misy Kaominina fantatro nanafatra fiara, tsy tafavoaka ao amin’ny seranantsambo satria ambony be ny hetra takiana. Io indray ny Filoham-pirenena tonga manome fiara ny Filohan’ny FLM, manome vola,… Na ambara aza fa amin’ny anaran’ny tenany filoha manokana, tsy afaka misaraka mihitsy ny hoe: Andry Rajoelina “personne physique” sy izy amin’ny maha Filoham-panjakana azy, ka miharihary ny tsy fanajana ny fitanilan’ny fitantanana fanjakana amin’ny raharaham-piangonana. Isan’ny nanenjehana ny Filoha teo aloha Marc Ravalomanana io, ka izao miverina izao. Ankehitriny, ny iray efa olon-tsotra ny iray Filoham-panjakana ka tsy hitovy mihitsy ireo amin’ny fanatrehana sy fandraisana andraikitra amin’ny raharaham-piangonana”, hoy ny Dr Ignace Randriamamizafy mpampianatra mpikaroka, mpamakafaka ara-politika sy ara-toekarena.
Toky R 

Dans la même rubrique

Card image cap
Miralenta ho an’ny fanaovana politika 75% amin’ny Malagasy no mankasitraka…
28-sept-2022

Nitondra ny tatitry ny fanadihadiany mikasika ny fitantanana, ny demokrasia, ary ny fiainana ara-tsosialy eto Madagasikara, niainga tamin’ny lohahevitra roa lehibe dia ny “Miralenta” sy ny “Fiarovana ny zon’ny ankizy”.

Card image cap
Pimaso amin’ny mpamatsy vola Hiara-hiasa ny Minisiteran’ny vola sy ny Bianco
28-sept-2022

Notanterahina androany 27 septambra 2022 teny amin’ny Trano Fivorian'ny Plan Anosy ny famoahana amin’ny fomba ofisialy ny Politika Anatiny Iadiana amin'ny Kolikoly ho an'ny Ministeran'ny Toekarena sy ny Fitantanam-bola (MEF).

Card image cap
Depiote Fetra Ralambozafimbololona “Hiverina amin’ny fanoherana tsy ho ela ireo”
28-sept-2022

Voasakantsakana ny antoko politika Tiako I Madagasikara na TIM raha nanao fampiratiana an-tsara ny tantarany noho ny tsingerintaona faha 20 tany Mahajanga,

Card image cap
Fitantanana ny firenena Efa tena Fanjakan’i Baroa no misy eto
23-sept-2022

Mbola tany misy Fanjakana ihany ve eto sa izao ilay antsoina hoe: Fanjakan’I Baroa? Ny volan’ny Tahirim-pirenena ho an’ny fiahiana ara-tsosialy na ny CNaPS toa natao tantely afa-drakotra ka ny

Card image cap
Rivo Rakotovao “Efa ny Banky foibe angamba no vaky vao ho taitra ?”
23-sept-2022

“Malahelo satria olona efa any am-ponja 4 taona ve dia manao “atteinte à la sûreté intérieur de l’Etat”? Mbola ilay zandrinay ihany ve no lazaina fa manongana ity Fanjakana ity, Fanjakana matanjaka be io.

Card image cap
Fampandrosoana Mifampiankina ny toekarena sy ny fifandraisana iraisam-pirenena
23-sept-2022

Azo lazaina ho mbola mifehy ny toekaren'izao tontolo izao ireo firenena miisa 8 matanjaka indrindra eto ambonin’ny tany ao anatin’ny antsoina hoe G8.

Voir plus