tia tanindrazana

Parution du Vendredi, 14 Janvier 2022

airtel

Politique

Andry Rajoelina Mampiasa fahefam-panjakana manao propagandy

Miharihary ary tsy takona hafenina, fa efa mangala-dia manao fampielezan-kevitra mialohan’ny fotoana ny Filoha ankehitriny Andry Rajoelina sy ny ekipany.

07-déc-2021

Sample post image

 Tena miezaka mafy milalao sary fa mbola mamim-bahoaka, mitovy tsy misy valaka amin’ny fihetsika nasehon’ny Fanjakana Rajaonarimampianina nialohan’ny fifidianana tamin’ny 2018 izay nokianina fatratra. Mafy ny ady miandry amin’ny 2023 ka may ny endim-boanjon-dRajoelina sy ny ekipany, tsy maintsy manamboatra sary sy serasera hoenti-maneho, fa be mpanohana sy tena mbola manana mpifidy ao an-damosina. Ny fahefam-panjakana eo am-pelantanany dia ampisainy tsara mihitsy amin’ny tombotsoa politikany. Mitady izay hirika rehetra ahafaha-manao propagandy mivantana na ankolaka, hany ka na làlana rarivato antsaka kilaometatra aza ankehitriny, dia ny Filoham-pirenena no mitokana azy. Ny fampanantenana sy ny ronono an-tavy miakatra hatrany ny doaziny, kanefa ny nampanantenaina teo aloha aza zara raha misy vita, ny vokatra tsy hita soritra amin’ny fiainam-bahoaka,… Zary baikom-pitolomana ho an’ireo olom-panjakana ny karazana propagandy mialohan’ny fotoana, hany ka hatramina governora, minisitra, solombavambahoaka,… dia lasa mihazakazaka manao “promotion” ho an’ny antoko volomboasary satria izay rahateo moa no iraka voalohany ho azy ireo, rehefa tena zohiana. Tsy mifidy toerana sy fotoana fa dia tena manao izay reviny, araka ny fitenin’ny tanora. Marina fa lany tamin’ny lokon’ny antoko TGV, MAPAR, IRD, IRK,… saingy mba misy fotoana angamba tokony hampisehoana an’izay, fa misy fotoana mba hajaina ny tsy fitanilàna amin’ny loko sy antoko politika. Misy anefa, olom-panjakana ambony toy ny minisitra sy governora, dia toy ny mandeha manao iraka manokana mihitsy miatrika fihaonamben’ny antoko TGV toy ny tany Boeny volana oktobra teo. Volam-panjakana no mivoaka amin’ireny sa volany manokana avy any am-paosiny? Voafaritry ny lalàmpanorenana any amin’ny andininy faha-39 ny tsy tokony hitanilàn’ny fitantan-draharaham-panjakana amin’ny loko sy antoko politika na “neutralité politique de l’adminisitration”, saingy tsy manan-kasina amin-dry zareo nihazakazaka nanao azy sy nampifidy azy tamin’ny karinem-pokontany izany 11 taona aty aoriana.

Toky R

Dans la même rubrique

Card image cap
Ntsay Christian sy Tinoka Roberto Tratry ny “be manaiky ?
14-janv-2022

Tsy mba re feo tamin’ireo raharaha mafana mikasika ny departemanta sahaniny avy ny Praiminisitra Lehiben’ny governemanta Atoa Ntsay Christian sy ny Minisitry ny fitaterana Atoa Tinoka Roberto.

Card image cap
Hanitra Razafimanantsoa “Maro ny SEG nisolelaka sy nanao politika fa aiza izao ?”
14-janv-2022

Niteraka adihevitra goavana ny fanehoan-kevitry ny Sekreteram-panjakana miadidy ny zandarimariam-pirenena (SEG) Jeneraly Gellé Serge izay toa miantefa amin’ny mpanohitra amin’ny hetsika politika samihafa mety hitranga.

Card image cap
Resaka Nosy Malagasy Miala any indray ny fampanantenana poakaty
14-janv-2022

Hitohy amin’ny herinandro ambony ny fifampiraharahana mikasika ny Nosy Malagasy na Iles Eparses, araka ny nambaran’ny Minisitry ny raharaham-bahiny Patrick Rajoelina omaly.

Card image cap
Filankevitry ny minisitra Tsy voaresaka ny raharaha covid-19
13-janv-2022

Raha samy niandry izay mety ho fanapahan-kevitra vaovao mikasika ny fivoaran’ny valanaretina coronavirus ny rehetra omaly tao anatin’ny tatitry ny filankevitry ny Minisitra, dia tsy nahitana an’izay izany.

Voir plus