tia tanindrazana

Parution du Vendredi, 20 Mai 2022

airtel

Politique

Andry Rajoelina Moa tena mahafehy ny PM sy ireo minisitra ve ?

Samy manao izay saim-pantany ny minisitra sasany ao anatin’ny governemanta tarihin’ny Praiminisitra Ntsay Christian.

12-janv-2022

Sample post image

 Misy ny mety tsy voafehy, hany ka ireny vaky am-batolampy miteraka resabe ny minisitra sasany. Ao ny miady an-trano, ary hita be hoe tsy masaka tsara ny fiaraha-mientana na “ésprit d'équipe”. Inona moa no tsy nanovana ny governemanta tampoka teo kanefa tamin’ny volana desambra aza efa nisy minisitra tena nilaza fa tsy maintsy hisy fanovana amin’io tapaky ny volana janoary ? Inona no ts hanendrena minisitry ny harena an-kibon’ny tany? Marina fa nilaza ny Filoha hoe: tsy vahaolana ny manova minisitra foana fa lany andro mametraka rafitra, saingy mahavaha olana ve ilay governemanta? Misy tokoa ny minisitra mety tena miasa, fa ao ny toa haingon-tsehatra fotsiny. Misy ny tsy azo kitihina amin’ny toerany satria mialokaloka ao amin’ny hoe: nitolona sy nametraka ny Filoham-pirenena teo, ka na tsy mamokatra aza eo ihany. Amin’ny fotoana tena liana azy aza indraindray no toa tena tsy ahitana azy. Ao indray ny minisitra voalaza fa manaratsy endrika ny Filoha sy ny Fanjakana manontolo, ary mety hampiakatra kely ny taham-panohanana na “côte de popularité” an’i Andry Rajoelina ny fanesorana azy. Nisy aza ny mpandinika politika iray nilaza fa io no hanimba tanteraka an-dRajoelina, ary raha mbola eo ilay minisitra vehivavy notononiny dia hiafara amin’ny 8% ihany koa i Andry Rajoelina amin’ny 2023. Misy lehiben’antoko maromaro ao anatin’ny Fitondrana, misy ny tena manohana an-dRajoelina amin-kitsim-po sy miezaka manatsara ny sarin’ny Minisiterany sy ny Fanjakana, fa misy ihany koa no toa mody namana sy manao takalon’aina ny toerany, na misy aza ny mety ho fahadisoana ataony, na miteraka resabe manala baraka ny Fanjakana aza izy, dia tsy azo hontsonina amin’ny toerany sao hanontsana an’ilay Fanjakana. Misy indray minisitra mifanangam-pahavalo amin’ny olom-boafidy, toy ny zava-miseho amin’ny minisitra iray sy ireo depiote miisa efatra voafidy tany amin’ny faritra Sofia. Inona intsony ny ho politika sy fampandrosoana vanona amin’izany ? Amin’ny ankampobeny, toa mandeha jojorombona sisa ilay Fanjakana, tsy tena marin-toerana ny governemanta, ny politikam-panjakana efa herintaona izay tsy hita hoe : manao ahoana fa dia miankina amin’ny zava-misy eny an-dalana eny. Aorian’ny 19 janoary 2021 no nambara fa hampahafantarana ofisialy ny PEM (Plan pour l’Emergence de Madagascar) saingy efa miherina indray ity ny taona tsy hita ihany.
Toky R
 

Dans la même rubrique

Card image cap
Politika Ataon-dRavalo manonofy ratsy ny mpitondra
20-mai-2022

Manahiran-tsaina tanteraka sy tena mampanofy ratsy ny Fanjakana ankehitriny Atoa Marc Ravalomanana, izay atahorana mafy ara-politika. Arakaraka ny hihetraketrahana azy no toa vao mainka mampahazo vahana azy.

Card image cap
Fiainam-pirenena Mampiahiahy ny fahanginan’ny Praiminisitra
20-mai-2022

Mangingina tsy re feo firy indray ny Praiminisitra Lehiben’ny governemanta Ntsay Christian. Tsy dia hita tabilao firy, ary efa matetika io.

Card image cap
Gazety boky Demokrasia laharana faha 13 “Nihemotra ny demokrasia eto Madagasikara”
20-mai-2022

Nivoaka omaly ny gazety boky Demokrasia laharana faha 13 izay famoakan’ny filankevitra ambony momba ny fiarovana ny demokrasia sy tany tan-dalana na HCDDED isan-telo volana.

Card image cap
HCDDED “Zavatra tsy ampoizina no maharava fitondrana”
20-mai-2022

Isany voaresaka ato amin’ny laharana faha 13 amin’ny gazety boky Demokrasia izay navoakanay, hoy ny filankevitra ambony momba ny fiarovana ny demokrasia sy ny fanjakana tan-dalana na HCDDED tetsy amin’ny biraon’izy ireo

Card image cap
Fikambanana Tambohobe “Aoka samy hitandrina fa mandady ny trambo”
20-mai-2022

Mampahatsiahy ny 20 taona dia ny 2002 izay fotoana nampamaivay ny raharaham-pirenena teto amin’ny tany sy ny fanjakana ankehitriny, hoy ny filoha mpanorina ny fikambanana Tambohobe,

Card image cap
Fitondrana tsy misy hatokona Mety aminy kokoa ny manaja tena
20-mai-2022

Herintaona sy tapany sisa hananan’ny Fitondrana Rajoelina hanatanterahany ny veliranony, hanentsenana ny lavaky ny tsy fahaiza-mitantana. Ho sarotra izany, raha tarafina amin’ny fomba fiasa hatramin’izay.

Voir plus