Politique

manoloana ny zavamisy mampalahelo iainan’ny mpiray tanindrazana any Ikongo izay namoizana aina malagasy am-polony, hoy io antoko io naneho fiaraha-miory sy nitondra ny teny fampaherezana. Nirary fahasitranana haingana ho an’ireo maratra ary mankahery ireo mpitsabo manao ny ainy tsy ho zavatra mikarakara ireo marary sy maratra ihany koa. “Melohinay marindrano eto ny fakana an-keriny sy fampihorohoroana tsy misy farany ny zaza sy ny olona varira miseho lany etsy sy eroa izay loharanon’ity tranganjavatra mahonena ity. Tsapan’ny rehetra ankehitriny ary mbola hamafisin’ny zava-misy ny maha-zavadehibe ny fampihavanana amin’ny ambaratonga samihafa eto amin’ny tany sy ny firenena”, hoy hatrany ny UNDD. Nomarihiny fa ny Fampihavanam-pirenana izay nataon’ny antoko UNDD filamatra no antoky ny fampivoarana sy fiarahamonina mirindra. Nanainga ireo mpitondra mahefa isan'ambaratongany hanao laharampahamehana izany Fampihavanam-pirenena tena izy hatrany ifotony izany izay ambaran’izy ireo ahafahan'ny rehetra miara-manarina ny Firenena iombonana noho izany io Antoko io.
Toky R