tia tanindrazana

Parution du Jeudi, 30 Juin 2022

airtel

Politique

Brunelle sy JJ Babenirina Manahirana tanteraka ny Fitondrana

Manahirana tanteraka ny Fitondrana Rajoelina ireo depiote voafidy tamin’ny lokon’ny IRD roalahy dia ny solombavambahoaka Brunelle Razafitsiandraofa voafidy tany Ikongo sy ny Depiote Jean Jacques Rabenirina izay

27-avril-2022

Sample post image

lany tany Betioky. Tsy olom-boafidy tsotra, fa isan’ireo mpanao politika goavana ao anatin’izao Fanjakana izao, samy filoha lefitry ny andrim-panjakana dia ny antenimieram-pirenena, ka ny iray avy amin’ny faritanin’i Fianarantsoa, ary ny iray avy amin’ny faritanin’i Toliara. Tsy mba isan’ireo depiote avy any amin’ny tapany Atsimo tazana teny Iavoloha ny alatsinainy teo, nandritra ny fampanantsoan’ny filoha sy nilazana ireo tetikasa ambara fa hatao any Atsimo, izay nisy ny nahazoana famatsiam-bola. Ankehitriny, tsy hita izay hanaovana azy ireo, ary mandeha ny resaka fa kotrehina mafy hahilika tsy ho Filoha lefitry ny antenimieram-pirenena ka antony nampandeha ilay feo mety hanonganana na hanovana olona ao anatin’ny birao maharitra. Ho sarotra anefa ny hanatanteraka izany satria noho ny heloka goavana sy ambodiomby no ahafahana manaisotra azy ireo. Raha handrava Birao maharitra mila depiote eo amin’ny 101.
TSY LEVON’NY VAVONIN’NY MPITONDRA NY KIANA…
Ny depiote Brunelle Razafitsiandraofa izay efa hatry ny ela tany amin’ny fizarana ny Faritra Vatovavy Fitovinany no efa tsy levon’ny vavonin’ny fitondrana satria nitondra tsikera fa mila manana hivim-pahalalana momba ny haiolona sy haivondron’olona ny Fitondrana fa tsy politika fotsiny. Vao volana vitsy indray no nilaza fa tsy maika ny teleferika raha halahatra ny laharam-pahamehana fa ireo distrika rehetra aloha no mila ampifandraisina. Hatramin’ny Filoha tezitra mafy taminy. Vao tsy ela indray fa ny 29 martsa lasa teo nanao kiana mivaivay momba ny fitantanan-draharaham-panjakana, nanakiana mafy ny kolikoly ka nilaza fa tamin’ny fitondrana HVM aza tsy nisy tahaka izao,… Nandeha ny hoe: mandika ny fitsipika anatin’ny antoko, hivory ny birao politika ary handray fepetra mikasika ity depiote ity, saingy tsy hita intsony aloha izay tohiny. Ny depiote Jean Jacques Rabenirina indray isan’ireo mpanao politika nametraka ny anarany hatrany tao anatin’ny raharaham-pirenena, efa minisitra tamin’ireo Fanjakana teo aloha. Olon’ny MMM (Malagasy Miara-Miainga) tarihin’i Hajo Andrianainarivelo, izay efa nisintaka tao anatin’ny governemanta. Nesorina hatramin’ny Sekretera Jeneralin’ny Fiadidian’ny Reepoblika Atoa Valéry Ramonjavelo avy amin’io antoko io. Sarotra ny manaisotra ireo olom-boafidy, ary raha azo nesorina mety efa voahongotra amin’ny toerany. Heverina fa noho ny lonilony eo amin’ny MMM sy ny Volomboasary no isan’ny tsy niantsoana azy teny Iavoloha. Isan’ireo nanotrona sy niara-dalàna tamin’i Siteny Randrianasoloniaiko izay malaza fa mety ho kandida 2023 tamin’ny Lalaon’i Melaky ny aogositra 2021 ny depiote Jean Jaccques Rabenirina. Maro amin’ireo depiote lany tamin’ny lokon’ny IRD no avy amin’ny MMM. Vao mainka manahirana ny Fitondrana ny sary politika miseho ankehitriny, ary toe-javatra manaporofo ny fahalemeny. Isan’ny antony nahazoan-dRajoelina vato tany Fianarantsoa sy Toliara ihany koa anefa ireo depiote roa ireo.
Toky R
 

 

Dans la même rubrique

Card image cap
Christine Razanamahasoa “Mialà ny mpitantana rehefa tsy mahavaha delestazy”
30-juin-2022

Ankoatra ny fandokafana nataon’ny ankamaroan’ny depiote mpomba ny fitondrana ary ny kiana mivaivay nataon’ireo depiote avy amin’ny antoko mpanohitra,

Card image cap
Antoko TIM feno 20 taona Miomana haka fahefana indray…
30-juin-2022

Miditra ao anatin’ny kihon-dàlana politika vaovao ny antoko Tiako i Madagasikara na ny TIM, izay mankalaza ny faha-20 taona nijoroany manomboka anio 30 jona 2022.

Card image cap
Tsenam-panjakana 146 tapitrisa Ar Misy mitory ny depiote Tsiliva
30-juin-2022

Notorian’Atoa Maharesy Roi Francis Ben’ny tanànan’Ankavandra teo aloha tompon’ny orinasa ETS AR Business any amin’ny Sampana fitarainana eo na “bureau de doléance” eo anivon’ny Fiadidian’ny Repoblika ny Depiote

Card image cap
Antoko politika Teza “Tokony higadra ingahy Andry Rajoelina”
30-juin-2022

Araky ny lalampanorenana, ny governemanta sy ny parlemantera, ny fifandraisany, indrindra, ny fanaovana lalana, dia ny parlemantera manara-maso ny mpanatanteraka, hoy ny antoko politika Teza.

Card image cap
Fanjakana tsy mahavaha olana “Fampalazana tena sy fampanantenana sisa no atao”
29-juin-2022

Fampalazana tena na « populisme » no mbola hanarontsaronana ny tena zava-misy iainan’ny vahoaka no tena ataon’ny Fitondrana Rajoelina ankehitriny.

Card image cap
Tsy hampandroso na afaka 100 taona aza… 51 miliara Ar isan-taona ho an’ny kaominina 1695
29-juin-2022

Mbola mila ezaka goavana ny resaka fitsinjaram-pahefana sy fitsinjarana ara-bola mba hoenti-mampiodina sy mampandroso ny firenena,

Voir plus