Raha ny hevitra avy avy amiko, ny ara-drariny ara-demokratika (légitimité démocratique” ho an’ny mpitondra sy ny mpanohitra, dia tokony hifanahantsahana”, hoy ny mpahay lalàna Atoa Clément Jaona tao amina fahitalavitra tsy miankina iray omaly. Samy nahazo 2 tapitrisa mahery tamin'ny fifidianana Filoha farany. Ara-drariny kokoa ny Lehiben’ny mpanohitra, raha sintonina avy amin’io fifidianana filoha farany io, izany hoe Atoa Marc Ravalomanana no Lehiben’ny mpanohitra, raha zohiana ny fanehoen-kevitr’ity mpahay lalàna ity. Heno hoe tsy hanao ny TIM, ka azo atao ny tsy mametraka olona eo. Tsy olona nanohana ny IEM no atao eo. Manoloana ny soso-kevitra ataon’ireo depiote tsy miankina sasany, dia tsy lojika hoe mpanohana IEM nandeha tamin’ny tsy miankina no hiditra amin’izany. Mpanohana ny IEM izy sa Manifesto? Hanohitra IEM ve izany izy sa hivadika Manifesto? hoy ity mpahay lalàna ity. Mitovitovy amin’io ny efa nambaran’ny Sekretera Jeneralin’ny TIM Atoa Rina Randriamasinoro ny herinandro lasa teo, fa ara-drariny raha ny Filohan’ny RMDM Atoa Marc Ravalomanana no Lehiben’ny mpanohitra, ary tsy hametraka olona ao Tsimbazaza izy ireo. Ny TIM izay mitaky hatrany ny hampiharana ny lalàna 2011-013 izay efa nankatoavin’ny HCC tamin’izany, saingy tsipahin’ny ankehitriny, hoy ny fanamarihana.
Toky R
Nivadika ny rasa, nanapa-kevitra ny tsy hanohana ny kandida solombavambahoaka avy amin’ny
Tsy hitondra fitoniana eto amin'ny firenena ny fifidianana kasaina hatao eto Madagasikara
Raharaha isan’ny mitana ny sain’ny maro ankehitriny ny nampidirana am-ponja an-dRtoa Ramalason Olga,
Mila averina ny hasin’ny fanabeazana eto Madagasikara, hoy ny antoko politika RCR-Tolona,
Mitohy ny fanamboarana ireo làlana mampitaraina ny vahoaka ao Ambohimanarina.
Nampanantsoina teny anivon’ny tendrom-pitsarana misahana ny ady amin’ny kolikoly na ny PAC (Pôle anti-corruption) 67ha,