Rehefa anaty firenena mahantra toy izao, hoy izy, dia matetika tsy mba misy zavatra mampisy fanantenana na mahasoa hifampiresahana fa mampalahelo foana ohatran’ireny. Ilay fampianarana mihitsy no fototr’izany rehetra izany ary ilay fitondram-panjakana tsy mamaly ny azo atao hoe vahaolana fa manao asa vonjitavan’andro fotsiny na koa hoe “tip top”. Hita foana izany, ohatra, amin’ireo lavaka eny amin’ny arabe. Mitombo foana anefa io ary tsy sanatria izany faniriana fa zava-misy efa iaraha-mahalala. Ohatran’ny hoe fahombiazana be no vitan’ny polisim-pirenena teto amin’ny faritra Antananarivo raha hoe 58 no isan’ny mpanendaka tratra tao anaty alina iray. Amiko henatra izany satria maninona no niandrasana hetsika manokana toy izay fa maninona raha nanomboka tany ifotony dia efa nezahana izay tsy hisian’ilay mpanendaka? Alaivo an’eritreritra hoe isak’alina, nandritry ny herinandro talohan’izay na 1 volana na 1 taona dia fara-fahakeliny izany dia olona miisa 50 no miandry hanendaka teto amin’ny faritanin’Antananarivo dia alaivo an’eritreritra ny olona efa naratra, very fananana, maty. Mbola tafiditra ao anatin’ny hoe fitsinjovana ny ampitso ny atao hoe mitantana izany. Tsy tokony hisy ireny tany Ikongo ireny, ireny famaizana ireny, ireny raiamandreny nanota fady tamina vahiny ireny. Ireny moa no hitantsika fa tadidio fa ny malagasy matetika menamenatra, tsy miteniteny dia manao ahoana izany rehefa zanaka malagasy no tratran’ireny? Endriky ny fisiana fanjakana tsy mahefa izany rehetra izany. Rehefa te hanana vahoaka hendry ny mpitondra dia tokony ho maodely amin’ny fanajana lalana, mahasahy manasazy ary mametraka tsara ny rafitra hivoaran’ny rehetra, hoy hatrany ny tenany.
J. Mirija
Kandida avy amin’ny antoko AREMA miisa 25 no tsy afaka mandray anajara amin’ny fifidianana ho
Nanahirana ny nikarakara ny taratasy filatsahan-kofidiana solombavambahoaka tamin’ity,
Tongotra mby an-dakana ny fifidianana Solombavambahoaka hotanterahina ny 29 Mey
Rava omaly Alarobia 17 Aprily ny DISTIM teo aloha na ny distrika TIM ao anatin’ny distrikan’Avaradrano.
Nivoaka ny alin’ny talata ny lisitr’ireo kandida voatazona hifaninana amin’ny fifidianana hatao ny 29 mey.
Manana kianja fa tsy azo hilalaovana, manana kaompania fa tsy misy fiaramanidina,