Politique

mpanohitra ny Depiote Hanitra Razafimanantsoa omaly. Raha tsiahivina, nivory tontolo andro ny OMC-National notarihin’ny Lehiben’ny governemanta ny talata 26 janoary teo. Tokony hajaina ny safidim-bahoaka satria avy nandalo fifidianana isika. Tsy ekena ny sehatry ny lalao politika maloto amin’ny alalan’ny fihantsiana, fa indrindra sanatrin’ny vava aladin’ny lela mitetika hanozongozona ny fiandrianam-pirenena, ny filaminana, mba hisian’ny korontana maro isan-karazany, hoy ny Lehiben’ny governamanta Atoa Ntsay Christian. Nampitandrina amin’ny mba tsy hisian’ny fambolena korontana sy ny trangan-javatra mampalahelo, toy ny fanakorontanana sy adim-poko ny Praiminisitra, izay naneho fa tsy azo ekena izany. Mandray andraikitra ny Emmo-National raha izay tokoa no tian’ny sasany hahatongavana, hoy izy, izay azo antoka fa miantefa amin’ny mpanohitra. "Renay fa hoe misy mieritreritra ny hisambotra anay eto amin'ny Miara-manonja. Vonona hisedra ny zava-drehetra izay matoa mijoro sy miteny. Asa sy andraikitry ny depiote ny manao tatitra amin'ny vahoaka. Tsarovy fa fanaovana tatitra no antony nandehanan'ireo depiote 73 (MAPAR sy TIM) teny amin'ny kianjan'ny 13 mey tamin'ny 2018. Avy amin'io hetsika io no naha praiminisitra an'Atoa Ntsay Christian, ka aza manao ririnin-dasa tsy tsaroana ka aty amin'ny 2021, dia lazaina fa manakorontana rehefa maneho hevitra sy mitatitra ny zava-misy", hoy kosa ny Depiote Hanitra Razafimanantsoa. Toky R