ka omaly dia ny Boriborintany faha-6 no nanaovana izany nisiana hetsika teny Ambohidahy Ambohimanarina. Miaiky ny TIM fa nisy ny disadisa, saingy tsy midika fisaraham-bazana, ary misy ny fifandaminana. “Sahala amin’ny mpivady hoe ao an-tokantrano dia misy ny fifamaliana kely, sahala amin’ny antoko rehetra ihany toy ny IRD, HVM, MMM fa ao anatin’ny TIM dia antoko lehibe sy matanjaka, ary misy foana ny fifampidinihana amin’ny TIM, ary hamafisiko fa miray hina ny TIM, hitantsika amin’izao fa ferana fotsiny ny olona hoe 400, izay tena maneho ny heriny, hoy ny depiote TIM eny amin’ny Boriborintany faha-6 Atoa Todisoa Andriamampandry, raha ny hita tamin’ny haino aman-jery omaly. Saika nisintaka tao anatin’ny antoko ireo mpikatroka tsy tafaverina ho kandidan’ny TIM. Nisy ihany koa ireo mpikatroka tao anatin’ny antoko izay niara-dàlana tamin’ny fitondrana tetezamita,… “Efa nisy dingana fifanantonana tamin’ireny olona ireny. Misy olona efa nisintaka efa ela fa efa hitanao izy, ary mahavelom-bolo izany ao anatin’ny “rédynamisation”, izay olona tao hatramin’izay ka marisarisa dia haverina. Ireo olona misy fitondran-tena kely amin’ny maha olombelona dia nanantonana hoe mba olombelona izy, fa tokony hanitsy. Ny TIM dia an’ny vahoaka, avy amin’ny vahoaka, ary miady ny tombotsoan’ny vahoaka. Amin’ny maha antoko azy, dia manana vinam-piarahamonina, ary ny tanjona dia halain’ny TIM sy ny rafitra TIM daholo ny fifidianana manaraka eo manomboka any amin’ny fokontany, lehiben’ny faritra,… dia halain’ny TIM daholo satria iaraha-mahalala ny zavatra tsy mety amin’izao”, hoy io depiote io. Mety hiverina ho iray ihany koa ve ny fandaharana miara-manonja izay mizara roa amin’izao fotoana izao ?
Toky R
Mankahery ny vahoaka malagasy manoloana ny zava-misy ankehitriny
Nisy omaly 27 martsa takariva ny karazana fandaharana sy fanambarana nataon’ny PAN.
Ankoatra ny fitoriana mba hanonganana tsy ho depiote ny Filohan’ny Antenimierampirenena Rtoa Christine Razanamahasoa,
Nidoboka am-ponja ao Antanimora efa tapa-bolana izao Atoa JR lehiben’ny faritra Analanjirofo tamin’ny fitondrana Rajaonarimampianina,
Misedra olana marolafy ny firenena na ara-politika na ara-toekarena na ara-tsosialy!
Manamafy ireo mpikatroka ifotony ao anatin’ny Antoko TIM ao anatin’ny distrikan’Avaradrano,