tia tanindrazana

Parution du Lundi, 20 Septembre 2021

airtel

Politique

Eliana Bezaza PSD “Avy misambotra angaha vao mitady porofo ?”

Naneho ny heviny tamin’ny alalan’ny Sekretera Nasionaliny Rtoa Eliana Bezaza ny antoko PSD, mikasika ny resaka fifofoana ny ain'ny Filoham-pirenena.

30-juil-2021

Sample post image

 Nampatsiahy ny antoko fa manameloka foana rehefa misy ny fampiasana herisetra eto amin'ny firenena, na iza na iza lasibatr'izany, na mpitondra na olon-tsotra. Raha voamarina ka nisy tokoa izany fikasana nifofo ny ain'ny Filoham-pirenena izany, dia mazava ho azy fa manameloka an'izany izahay, hoy ny fanambarana. Mitaky ny fikarohana ny marina hatramin'ny farany ary mba tsy ho atao tompo- trano miono ny vahoaka malagasy ka tsy misy ho afenina azy ny ny porofo tsy azo lavina sy mandresy lahatra rehetra mba tena ahafantarana ny marina. Hatreto mantsy dia mifamahofaho ny resaka avoakan'ny tompon'andraikitry ny fanadihadiana. Milaza ny minisitry ny filaminam-bahoaka fa efa manana porofo vokatry ny fanadihadiana efa aman-bolana, nefa tsy misy porofo nahafahana nampiditra am-ponja an'ireo voapanga hatreto fa mbola any an-tranon'olona manokana ihany no mitohy hatramin'izao efa ho andro maromaro izao ny fanadihadiana. Tsy manara-dalàna izany, ary mahamenatra raha raharaha goavana ohatran'izao, izay aim-ben'ny firenena no tsy hanarahan-dalàna, hoy Rtoa Eliana Bezaza. Sa tsy azo antoka indray ny porofo ? Sa matahotra ny frantsay satria manam-boninahitra frantsay ireo voapanga? Maninona tsy ampanarahana ny lalàna velona ary hatramin'ny oviana no ho tazomina « garde à vue » ireo olona ireo ? Lasa aloha loatra angaha ny fanamborana ka rehefa voasambotra vao mikaroka porofo ? Izany daholo no fanontaniana mipetraka ao an-tsain'ny malagasy mandinika ny fandehan'ny raharaha satria amin'izao fotoana izao vao mivoaka tsikelikely ny mikasika io raharaha io sy ny eritreretina ho mpiray tsikombakomba eto Madagasikara ary manomboka ny fanamborana olona samihafa. Ny mahagaga dia toa olona akaiky ny fitondrana daholo hatreto na ny voasambotra na ny voatonona, hatramin'ny honohono aza. Misy artista, misy olom-piangonana, ary misy koa hono, ary tsindriko ny « hono », olom-panjakana am-perin'asa, hoy izy. Nambarany mahitsy fa araka fanadihadian’izy ireo dia tsy misy intsony ny firaisan-kina eo anivon'ny fitondram-panjakana eto Madagasikara. Matoa tsy misy ny firaisan-kina dia satria tsy misy intsony ny tanjona iombonana sy ny foto-kevitra tsy azo hozongozonina, hoy Rtoa Eliana Bezaza.
Toky R
 

Dans la même rubrique

Card image cap
Famoriam-bahoaka Mifaninana amin-dRajoelina i Lalatiana
20-sept-2021

Toy ny ao anaty vanim-potoanan’ny propangady izany ny hetsika famoriam-bahoaka nataon’ny Filohan’ny Repoblika Andry Rajoelina sy ny Minisitry ny serasera Rtoa Lalatiana Rakotondrazafy ny faran’ny herinandro teo.

Card image cap
Lalatiana Andriatongarivo Ny nataony ihany no miverina aminy ?
20-sept-2021

Miha mamaivay amin’ny endriny rehetra ny tsikera momba ny minisitry ny serasera sy ny kolontsaina, Lalatiana Rakotondrazafy Andriatongarivo sy ny vadiny Andry Andriatongarivo,

Card image cap
Fandaharana “Tsy ho tompon-trano mihono” Angaha tsy hoe hifandimby ao ireo minisitra ?
20-sept-2021

Fandaharana iray isaky ny zoma tolakandro ny tsy ho tompon-trano mihono ao amin’ny haino aman-jerim-panjakana TVM sy RNM,

Card image cap
Fandaharana “Tsy ho tompon-trano mihono” Angaha tsy hoe hifandimby ao ireo minisitra ?
20-sept-2021

Fandaharana iray isaky ny zoma tolakandro ny tsy ho tompon-trano mihono ao amin’ny haino aman-jerim-panjakana TVM sy RNM,

Card image cap
Fandaharana “Tsy ho tompon-trano mihono” Angaha tsy hoe hifandimby ao ireo minisitra ?
20-sept-2021

Fandaharana iray isaky ny zoma tolakandro ny tsy ho tompon-trano mihono ao amin’ny haino aman-jerim-panjakana TVM sy RNM,

Card image cap
Manampahefana Malagasy Mitombo isa ireo manao teatra
20-sept-2021

Efa hatramin’ny tetezamita farany teo no nampalaza izao fitondrana izao amin’ny fanodinana saim-bahoaka na ny fanaovana “diversion”.

Voir plus