tia tanindrazana

Parution du Mercredi, 20 Octobre 2021

airtel

Politique

Famoriam-bahoaka Mifaninana amin-dRajoelina i Lalatiana

Toy ny ao anaty vanim-potoanan’ny propangady izany ny hetsika famoriam-bahoaka nataon’ny Filohan’ny Repoblika Andry Rajoelina sy ny Minisitry ny serasera Rtoa Lalatiana Rakotondrazafy ny faran’ny herinandro teo.

20-sept-2021

Sample post image

 Ny iray niankandrefana tany amin’iny faritra Itasy iny, nitokan-javatra sy nanao fampantenana zavatra maro. Ny ankilany somary niantsinanana nihazo an’Alaotra Mangoro. Samy nitety faritra namory olona ny filoha sy ny minisitry ny serasera, samy be kabary, samy naka ny fon'ny olona, samy nampiseho hoe manakaiky vahoaka. Raha atao indray mijery tampoka, dia toa mifaninana izany. Ny minisitry ny serasera dia miresaka sy matetika manome lesona ny hafa foana rehefa miteny, ka milaza fa politisianina manana etika sy deontolojia. Rehefa manao “tournée” na fitetezam-paritra ohatr’izao ny Filoha, dia heverina fa lojika kokoa raha ny hoe: tsy tokony hisy mpikamban’ny governemanta hanalokaloka azy, na toa manakona ny zavatra ataony. Afaka naroso na nahemotra ny an’ny Minisiteran’ny serasera. Izao toa lasa endrika fifaninanana ny sary miseho, ka toa manaloka ny Filoha ity Minisitra tratry ny resabe tao anatin’ny andro maro ity. Toa mifaninana amin-dRajoelina i Lalatiana Rakotondrazafy raha tarafina amin’ireny famoriam-bahoaka faran’ny herinandro ireny.
MAMPITANDRINA NY TSY HIKITIKITIHANA AZY ?
Amin’ny politika tsy misy zavatra tongatonga ho azy izany. Betsaka ny tsindry amin’ny fitakiana ny fialan’ny Minisitry ny serasera mivady taorian’ny raharaha goavana nahavoatonona azy ireo. Voasokajy ho manala baraka ny Fitondrana, ary ny mpomba ity Fanjakana ity aza efa maro no sahy milaza mivantana na ankolaka, fa ny mpanao politika na ny tompon’andraikitra ambony eto amin’ny firenena dia tokony ho fitaratry ny vahoaka. Na ny ao anaty Fanjakana aza efa manosika azy ireo hivoaka. Maneho tsindry amin’ny Filoha sy ny Fanjakana kosa Rtoa Lalatiana Rakotondrazafy mivady amin’ny tsy hikitikitihana azy, mampiseho ny fananana tanjaka politika, ary poizina ho an’ny Fitondrana ny manala azy ireo. Niditra tamin’ny hafainganam-pandeha « Grand V » ny serasera sy hetsika ho azy ny faran’ny herinandro teo. Nandokondoko, nizara zavatra,… nampiseho sary fa akaiky vahoaka sy manana vahoaka. Tsy azo hadinoina fa Lehiben’Antoko politika Freedom Rtoa Lalatiana Rakotondrazafy, izay mazava fa manana hambom-po politika haka fahefana satria izay no antom-pisian’ny antoko voalohany. Efa niomana, nametra olona amina rafitra maro io Minisitra io na ao amin’ny rantsan’ny departemanta iantsorohany ary misy ihany koa any amin’ny hafa. Efa mipetrapetraka ny olon’ny Freedom any amin’ireo rafitra samihafa manerana ny Nosy, indrindra fa amin’ny haino aman-jerim-panjakana, ary ny TVM sy ny RNM dia efa toy ny fananan-dRtoa minisitra manokana. Ny azo handalinana azy, dia toa manome ritsoka ho an-dRajoelina sy ny ekipany Rtoa Lalatiana Rakotondrazafy mivady hoe : «Andramo kitikitihina eo ary izahay ahitanareo ny lohanay », ka io mbola tsy sahy mikitika azy ireo tamin’ilay raharaha niteraka resabe ny Fanjakana hatreto.
Toky R
 

Dans la même rubrique

Card image cap
Politika Iray tsy mivaky ny TIM
20-oct-2021

Nisy omaly ny fivoriana niarahan’i Marc Ravalomanana tamin’ireo solombavambahoaka TIM (Tiako i Madagasikara) tao Faravohitra.

Card image cap
Bokan-trosa ny Fanjakana Mangotraka ny grevin’ny oniversite, mpandanja fiara,…
20-oct-2021

Miha mangotraka ny grevy etsy sy eroa, indrindra taorian’ny vava nataon’ny Praiminisitra ny alakamisy 14 septambra, fa tsy terena handoa vola amin’ny alalan’ny grevy ny Fanjakana,

Card image cap
Sao dia mba tsy rariny Ny vahoaka miandry lava, ny mpitondra migalabona
20-oct-2021

Lavitra loatra ny elanelana eo amin’ny mpitondra sy ny entina eto Madagasikara. Tsy resaka fidinana eny ifotony na tsia ataon’ny Filoham-pirenena na mpitondra Fanjakana endrika ivelany sy kisehoseho io,

Card image cap
Christine Razanamahasoa “Tsy ho tana intsony fa vitesy TGV io fampandrosoana”
20-oct-2021

Nandoka fatratra ny Filoham-pirenena sy ny Fitondram-panjakana ny Filohan’ny Antenimiaram-pirenena Rtoa Christine Razanamahasoa omaly, nandritra ny fanokafana ny fivoriana ara-potoana faharoan’io andrim-anjakana io.

Card image cap
Dany Rakotoson “Mba lanjalanjao ihany ilay werawera”
20-oct-2021

Mba lanjalanjao ihany ilay werawera, hoy ny mpandinika raharaham-pirenena, Dany Rakotoson, naneho ny heviny mikasika ny raharaham-pirenena ankehitriny.

Card image cap
AVI Amoron’i Mania “Tsy tokony hisy tsy maty manota eto”
18-oct-2021

Tao aorian’ny Faritra Vakinakaratra sy Menabe dia notanterahina tao Ambositra ny lao-bary an-dasim-paritrin’ny Antoko AVI na Asa Vita Ifampitsarana ho an’ny Faritra Amoron’I Mania ny 15 sy 16 oktobra 2021 lasa teo,

Voir plus