Politique

nentina nanakana ireo vahoaka tonga hiara-hankalaza ny tsingerin-taona nahaterahan’I Marc Ravalomanana. Nampiasana hery famoretana ny TIM sy ny Filoha teo aloha Marc Ravalomanana. “Ny toerana izay anaovana ny fankalazana ny tsingerin-taona izay, dia azy manokana, ary misy ny taratasy manaporofo izany. Izy no nampiantso ny mpiara-dia aminy ho avy hiara-hankalaza ny tsingerin-taona nahaterahany. Ny zavatra misy eto Toliara anefa, dia ny mpitondra na ny manam-pahefana eto mampiasa dia mampiasa ny lalàna sy ny fahefana manery sy manakana izay tsy mitovy hevitra aminy amin’izay tiany. Nomarihiny fa tamin’ny nahatongavan’izy ireo tao Toliara ny alakamisy 09 desambra, dia tsy mbola nisy ny naoty sy didy milaza hoe: tsy azo atao ny famoriana olona. Rehefa nandeha anefa ny zavatra nisy, ny zavatra niseho, ny fitiavan’ny olona azy, dia nivoaka ny didy, ary didy tsy mazava”, hoy ny Sekretera Jeneralin’ny TIM Atoa Rina Randriamasinoro omaly tamin’ny fanambarana nataon’izy ireo. “Rehefa tsy mahazo alalana hanao fihetsiketsehana na amin’ny làlam-bahoaka na toerana tsy miankina. Manana “autorisation” ve ianareo fa izahay manana ny “réquisition”; hoy moa ny Lehiben’ny mpitandro filaminana tao Toliara ny alahady teo. Nilaza kosa moa ny TIM tamin’ny alalan’ny mpahay lalàna, fa “autorisation” raha an-dalam-be, fa “information” raha any amin’ny toerana tsy miankina. Nilaza kosa ny Mpitondra tenin’ny RMDM Pasitera Edouard Tsarahame, fa mieritreritra ny Fitondrana azy ankehitriny fa mbola azy 100% I Toliara, tiany holokoiny volomboasary. Izay no tsy levon’ny vavoniny, ka ampiasany herim-pamoretana mba hanaferanana ny fahalemana. Na hafeninareo tahaka ny inona aza, dia mazava izao fa efa tsy any aminareo intsony I Toliara. Rehefa hanao politika ny mpitandro filaminana, dia manao akanjo loko volomboasary, fa aza miafina ao anatin’ny “tenue de combat”.Nilaza tsy hijanona amin’izao ny TIM sy RMDM, fa handray fepetra amin’ny amin’ny mpitondra ao Toliara.
Toky R