tia tanindrazana

Parution du Vendredi, 30 Juillet 2021

airtel

Politique

Fanenjehana an-dRavalomanana Hampitombo ny fitiavan’olona an-dRajoelina ve ?

Mandany andro sy fotoana amin’ny fanenjeana an’i Marc Ravalomanana ny Fanjakana tarihin’ny Filoha Rajoelina. I

07-juin-2021

Sample post image

zay rehetra fomba heverina fa takatry ny saina, dia hatao avokoa. Mandeha lalàna mifehy ny mpanohitra, izay lasa resabe ankehitriny, dia sahin’ny Fanjakana ny manala baraka tena amin’ny alalan’ny fanaovana lalàna vaovao mifanohitra ny lojikan’ny demokrasia kanefa ilay Filoham-pirenena no afa-baraka tanteraka ao anatiny fa tsy mitana ny teny nomeny. Ny lalàna hafahafa eo ihany, fa ny ramatahora amin’ny alalan’ny fampiasana ny mpitandro filaminana hanao famoretana mivantana na ankolaka amin’I Marc Ravalomanana manginy fotsiny. Hampiakatra ny fitiavan’ny olona an’I Andry Rajoelina ve izany sa hanamarina sy hanome sary ho tsapan’ny vahoaka fa tena tsy mahatoky valera sy tsy mahatoky tena intsony ny Fanjakana ka migafy sy mamoritra izay atahorany ara-politika sisa hevitra? Inona no tena atahorana an’I Marc Ravalomanana raha tena mino sy mahatoky fa lany tamin’ny fomba ara-dalàna ary resy lahatra ny asa sy programam-panjakana ny vahoaka? Vao mainka lasa propagandy ho an’ilay henjehina izy, ary manaporofo fa mbola manana tanjaka politika sy atahorana mafy I Marc Ravalomanana matoa henjehina sy hanaovana ramatahora. Matoa tonga any amina gafy fandrangarangana hery, dia ny Fanjakana aza mety tsy resy lahatra fa ampy hankasitrahan’ny vahoaka azy ny fomba fiasany, ny programa tanterahany,… hany ka tsy maintsy mitady izay fomba handemena ara-tsaina sy ara-batana ny mpifandrina ara-politika, kanefa vao mainka midi-kizo.

Toky R

Dans la même rubrique

Card image cap
Vaky ny Miara-manonja Miroaroa saina ny mpanohana
30-juil-2021

Nivoaka tao anatin’ny fahanginany ireo depiote miisa roa ao anatin’ny Antoko TIM omaly, dia Rtoa Hanitra Razafimanantsoa sy Fidèle Razara Pierre, izay tsy re feo firy tao anatin’ny telo herinandro teo.

Card image cap
Alain Ramaroson Miara-dalana hatrany amin’ny ambany tanàna
30-juil-2021

Miara-dia hatrany amin’ny ambany tanana Atoa Alain Ramaroson, filohan’ny antoko Masters no sady filohan’ny voamieran’ny fiarovana teo anivon’ny filan-kevitra ambonin’ny tetezamita teo aloha.

Card image cap
Maitre Olala “Manangana ady amin’ny Katolika ny fanjakana”
30-juil-2021

Tonga taty amin’ny toeram-piasanay ety Ankadifotsy ny fianakavian’andriamatoa Paul Rafanoharana, hoy ny mpisolovava, Willy Razafinjatovo na maitre Olala.

Card image cap
Mgr Odon Razanakolona Tratry ny fandotoana manara-penitra ?
30-juil-2021

Omaly tokony ho tamin’ny 9 ora sy sasany maraina no tonga teny Andohalo, toeram-piasan’ny Arsevekan’Antananarivo Mgr Odon Marie Arsène Razanakolona

Card image cap
Eliana Bezaza PSD “Avy misambotra angaha vao mitady porofo ?”
30-juil-2021

Naneho ny heviny tamin’ny alalan’ny Sekretera Nasionaliny Rtoa Eliana Bezaza ny antoko PSD, mikasika ny resaka fifofoana ny ain'ny Filoham-pirenena.

Card image cap
Miharatsy ny toe-draharaha Nijabaka tanteraka Rajoelina…
30-juil-2021

Tafiditra lalina I Andry Rajoelina ao anatin’izao toe-draharaha mafampana eto amin’ny firenena izao. Mitana ny sain’ny maro ny hoe: nisy nikasa hamono ity Filoha ankehitriny ity.

Voir plus