tia tanindrazana

Parution du Vendredi, 20 Mai 2022

airtel

Politique

Fanirisoa Ernaivo “Amin’ny zoma sy sabotsy mifankahita…”

Miha mangotraka ny ady ara-tserasera sy fifanenjehana eo anatrehan’ny fivahinianan’ny Filoha any Frantsa, izay nisiana hetsika maneho fanohanana sy fanoherana azy ny faran’ny herinandro.

25-août-2021

Sample post image

 Omaly, mbola nitohy io. « Nandritra ny Fihaonamben'ireo Mpandraharaha avy amin'ireo firenena miteny Frantsay tao Paris 'Rencontre des Entrepreneurs Francophone" izay nanasàna ny Filoham-pirenena Malagasy sy ireo mpanam-pahefana maro samihafa avy amin'ny firenena maro ary ireo mpandraharaha, dia nisy andian'olona vitsy kely miisa 4 teo izay avy amin'ireo RMDM Diaspora notarihan'i Fanirisoa Erinaivo tonga teo an-toerana nikasa hanakorontana sy higafy ny lanonana ary saika hanao barofo hiditra tao anatin'ny toerana fivoriana kanefa tsy nahazo fanasàna no noroahan'ireo Polisy mpiambina teo an-toerana saingy be famaliana sy mbola nidongizina nakanaka sary teo ka saika nosamborin'ireo mpitandro filaminana ka vaky nandositra avy hatrany. Mpanohitra bontolo, tsy mahalala menatra…”, hoy ny andaniny. “Misy manely tsaho hoe nosamborin’ny polisy aho. Nijery an’ilay toerana izahay hoe inona izany toerana hanaovan’izy ireo fihaonana izany. Nijery ilay toerana izahay satria nangataka fahazoan-dàlana hanao fihetsiketsehana, saingy tsy misy toerana malalaka eo, ka eo anoloan’ny masoivoho ihany no mety amintsika satria eo omby olona be dia be. Rahampitso (anio) dia zavatra hafa no ataonay, fa “surprise”, fa amin’ny zoma sy sabotsy dia nahazo fahazoan-dàlana isika hanao fihetsiketsehana eo amin’ny masoivoho. Miteny amintsika rehetra hoe aza mety fendrofendroin’ireo. Lazaina fa voasambotra i Fanirisoa, ka mbola tsy teraka ny olona hisambotra ahy, mbola tsy teraka eto Frantsa. Aty toeran’ny demokrasia ka tsy misy olona sambotsamborina izany satria hoe tsy mahafaly an’I Andry Rajoelina. Amin’ny zoma sy sabotsy no fotoana, aza misy matahotra, mitondra sarom-bilany, kiririoka,… Tongava daholo fa tsy misy atahorana, fa matahotra ireo, izay no mahatonga an’ireo manely tsaho”, hoy kosa I Fanirisoa Ernaivo. Lasin’ady na fivoriana hanehoana ny tsy fankasitrahana io Fanjakana io sy ny fitakiana ny fialan’i Andry Rajoelina, hoy i Fanirisoa Ernaivo. Andrasana indray izay ho tohiny.
Toky R
 

Dans la même rubrique

Card image cap
Politika Ataon-dRavalo manonofy ratsy ny mpitondra
20-mai-2022

Manahiran-tsaina tanteraka sy tena mampanofy ratsy ny Fanjakana ankehitriny Atoa Marc Ravalomanana, izay atahorana mafy ara-politika. Arakaraka ny hihetraketrahana azy no toa vao mainka mampahazo vahana azy.

Card image cap
Fiainam-pirenena Mampiahiahy ny fahanginan’ny Praiminisitra
20-mai-2022

Mangingina tsy re feo firy indray ny Praiminisitra Lehiben’ny governemanta Ntsay Christian. Tsy dia hita tabilao firy, ary efa matetika io.

Card image cap
Gazety boky Demokrasia laharana faha 13 “Nihemotra ny demokrasia eto Madagasikara”
20-mai-2022

Nivoaka omaly ny gazety boky Demokrasia laharana faha 13 izay famoakan’ny filankevitra ambony momba ny fiarovana ny demokrasia sy tany tan-dalana na HCDDED isan-telo volana.

Card image cap
HCDDED “Zavatra tsy ampoizina no maharava fitondrana”
20-mai-2022

Isany voaresaka ato amin’ny laharana faha 13 amin’ny gazety boky Demokrasia izay navoakanay, hoy ny filankevitra ambony momba ny fiarovana ny demokrasia sy ny fanjakana tan-dalana na HCDDED tetsy amin’ny biraon’izy ireo

Card image cap
Fikambanana Tambohobe “Aoka samy hitandrina fa mandady ny trambo”
20-mai-2022

Mampahatsiahy ny 20 taona dia ny 2002 izay fotoana nampamaivay ny raharaham-pirenena teto amin’ny tany sy ny fanjakana ankehitriny, hoy ny filoha mpanorina ny fikambanana Tambohobe,

Card image cap
Fitondrana tsy misy hatokona Mety aminy kokoa ny manaja tena
20-mai-2022

Herintaona sy tapany sisa hananan’ny Fitondrana Rajoelina hanatanterahany ny veliranony, hanentsenana ny lavaky ny tsy fahaiza-mitantana. Ho sarotra izany, raha tarafina amin’ny fomba fiasa hatramin’izay.

Voir plus