airtel

Politique

13-juil-2022

Politique

Fanjakana tsy mahavaha olana Raikitra ny fanasana atidoha manara-penitra

Sample post image

Sady mahagaga no mampihomehy kanefa mahatezitra ihany koa ny fomba firesaka sy ny fitantanana asehon’ny mpitondra eo anatrehan’izao toe-javatra miseho ankehitriny izao.

13-juil-2022

Miezaka hatrany manasa atidoha sy mitady zavatra hanilihana. Zary ny mpanohitra indray no ezahin’ny Fanjakana ankehitriny hanadiovan-tena, ka lazaina fa raha ny mpanohitra aza no teo mety 10 000Ar ny vidin-tsolika. Raha hadika mazava ny tiana hahatongavana amin’io dia hoe: maivana sy mbola azo hiafiana io, fa raha ny mpanohitra no teo vao mainka zava-doza. Fa aiza ilay hoe: izahay izao no eto dia avelao izahay no hitondra no mbola manilika lava ihany. Aiza ilay hoe: Izahay izao no mitondra dia aleo izahay hiasa? Angaha ny mpanohitra no tompon’ny fahefana sy ny fanapahan-kevitra? Ahilika any amin’izay rehetra azo hanilihana azy ny tsy fahombiazana. Ekena ny fiantraikan’ny olana vokatry ny zava-misy eo amin’ny sehatra iraisam-pirenena, tahaka ny coronavirus, ny ady any Ukraine,… saingy miharihary ihany koa ny tsy fahaiza-mitantana. Tsy vao amin’izao fiakaran’ny vidin-tsolika izao no nidangana ny vidim-piainana, fa efa hatramin’ny niantombohan’ity Fanjakana ity. Tsy sasatry ny mahazo fanairana sy kiana avy amin’ny iraisam-pirenena: demokrasia, tsy fangaraharam-pitantanana, fitomboan’ny fahantrana, tsy fahalalana ny tokony ho laharam-pahamehana,… Zavatra telo no mampahantra sy mampihemotra firenena: loza voajanahary goavam-be, ady an-trano, ary tsy fahaiza-mitantana, ka isan’ny tena antony eto amintsika io farany io, ary miteny ho azy ny tarehimarika iraisam-pirenena samihafa. Mbola any amin’ny fanoherana no handaniana ron-doha, fa tsy ny fomba hiatrehana ny fiantraikan’ny fanapahan-kevitra nampiakarana be ny vidin-tsolika, izay tsy mbola nisy tahaka izao tao anatin’ny 60 taona. Mandeha ny fampahatsiahivana fa efa tafiakatra 146 dolara ny vidin-tsolika tamin’ny taona 2006, raha toa ka mahery kelin’ny 100 dolara ny ankehitriny. Tsy nisy fampiakaram-bidy nirefotra be manodidina ny 2000Ar avy hatrany tamin’izany, ary mbola manodidina an’io 2000Ar io aza ny vidin-tsolika tamin’ny fotoan’androny. Raha ny tokony ho lojika amin’izao, ny fitadiavam-bahaolana hamahana ny fiantraikan’ny zava-misy amin’ny toekarena sy ny sosialy tsy hivadihany ho krizy ara-politika no himasoana. Mbola ny fifanasana vangy amin’ny mpanohitra ihany anefa no hihazakazahana ankehitriny, mba hanadiovan-tena.
Toky R
 

Dans la même rubrique

28-mars-2024

Mankahery ny vahoaka malagasy manoloana ny zava-misy ankehitriny

Card image cap
28-mars-2024

Nisy omaly 27 martsa takariva ny karazana fandaharana sy fanambarana nataon’ny PAN.

Card image cap
28-mars-2024

Ankoatra ny fitoriana mba hanonganana tsy ho depiote ny Filohan’ny Antenimierampirenena Rtoa Christine Razanamahasoa,

Card image cap
28-mars-2024

Nidoboka am-ponja ao Antanimora efa tapa-bolana izao Atoa JR lehiben’ny faritra Analanjirofo tamin’ny fitondrana Rajaonarimampianina,

Card image cap
28-mars-2024

Misedra olana marolafy ny firenena na ara-politika na ara-toekarena na ara-tsosialy!

Card image cap
28-mars-2024

Manamafy ireo mpikatroka ifotony ao anatin’ny Antoko TIM ao anatin’ny distrikan’Avaradrano,

Card image cap