tia tanindrazana

Parution du Jeudi, 30 Juin 2022

airtel

Politique

Fiadidian’ny Repoblika Nahilika ny Sekretera Jeneraly

Nilatsaka omaly ny didim-panjakana manaisotra an’Atoa Valerie Ramonjavelo tsy ho Sekretera Jeneralin’ny Fiadidian’ny Repoblika (SGP) intsony,

31-mars-2022

Sample post image

taorian’ny nitazonany io andraikitra nandritra ny 3 taona sy roa volana mahery kely teo. Nofoanana nandritra ny filankevitry ny minisitra omaly alarobia 30 martsa mantsy ny didim-panjakana 21 janoary 2019, ary notendrena hisolo azy avy hatrany Rtoa Pelandroy Esperance Mpitsara sady mpahay lalàna avy any amin’ny faritra Androy. Isan’ireo olona nanana ny toerany tao anatin’ny Fiadidian’ny Repoblika ny SGP teo aloha Atoa Valerie Ramonjavelo. Mahalala zavatra maro, saingy misy antony tsy mety tsy azo hihodivirana matoa nesorina tamin’ny toerany. Isan’ireo anarana efa nalaza fa tsara toerana ho Praiminisitra nandritra ireny resaka fanovana sy fikitihana governemanta tao anatin’izao Fanjakana Rajoelina izao ireny, saingy mbola voatazon’Atoa Ntsay Christian hatrany ny toerana. Somary nihena anefa izay herijika saika hametrahana azy ho Praiminisitra izay rehefa nandeha ilay raharaha « Appolo 21 », izay nilazana fa nisy fikasana hamono ny Filoha Rajoelina. Nisy ny ahiahy tamin’ireo olona tao an-dapa noho iny raharaha iny. Karazan’ny lojika politika ihany koa anefa ny fanesorana an’ity SGP ity izay marihina fa avy amin’ny Antoko MMM (Malagasy Miara-Miainga) tarihin’i Hajo Andrianainarivelo, izay nisintaka nialohan’ny fotoana nandao ny governemanta nialohan’ny fanovana governemanta farany teo. Tsara ny mampahatsiahy, fa nanana minisitra 3 (Fampianarana ambony, fanabeazam-pirenena, fanajariana ny tany sy asa vaventy) ny MMM hatrany am-piandohan’ny Fanjakana Rajoelina, saingy nihena am-pitoerana toy ny fen’antitra, ary nesorina nanara-dia azy ireo ihany koa izany ny SGP. Nesorina omaly ihany koa ny Tale ambony miisa 3 tao amin’ny Minisiteran’ny fanajariana ny tany tany izay notantanin’Atoa Hajo Andrianainarivelo, dia ny Sekretera Jeneraly, Tale ara-bola, Talen’ny serasera, ny « Directeur des systèmes d’informations ». Nahilika izany ireo olon’ny MMM, ary ireo olom-boafidy sisa tena tavela. Efa nilaza i Hajo Andrianainarivelo fa miara-dia amin’ny Fitondrana kanefa tena handeha amin’izany ve ? Hanao ahoana ny ho tohin’ny paipaika ara-politika eto?
Toky R

 

Dans la même rubrique

Card image cap
Christine Razanamahasoa “Mialà ny mpitantana rehefa tsy mahavaha delestazy”
30-juin-2022

Ankoatra ny fandokafana nataon’ny ankamaroan’ny depiote mpomba ny fitondrana ary ny kiana mivaivay nataon’ireo depiote avy amin’ny antoko mpanohitra,

Card image cap
Antoko TIM feno 20 taona Miomana haka fahefana indray…
30-juin-2022

Miditra ao anatin’ny kihon-dàlana politika vaovao ny antoko Tiako i Madagasikara na ny TIM, izay mankalaza ny faha-20 taona nijoroany manomboka anio 30 jona 2022.

Card image cap
Tsenam-panjakana 146 tapitrisa Ar Misy mitory ny depiote Tsiliva
30-juin-2022

Notorian’Atoa Maharesy Roi Francis Ben’ny tanànan’Ankavandra teo aloha tompon’ny orinasa ETS AR Business any amin’ny Sampana fitarainana eo na “bureau de doléance” eo anivon’ny Fiadidian’ny Repoblika ny Depiote

Card image cap
Antoko politika Teza “Tokony higadra ingahy Andry Rajoelina”
30-juin-2022

Araky ny lalampanorenana, ny governemanta sy ny parlemantera, ny fifandraisany, indrindra, ny fanaovana lalana, dia ny parlemantera manara-maso ny mpanatanteraka, hoy ny antoko politika Teza.

Card image cap
Fanjakana tsy mahavaha olana “Fampalazana tena sy fampanantenana sisa no atao”
29-juin-2022

Fampalazana tena na « populisme » no mbola hanarontsaronana ny tena zava-misy iainan’ny vahoaka no tena ataon’ny Fitondrana Rajoelina ankehitriny.

Card image cap
Tsy hampandroso na afaka 100 taona aza… 51 miliara Ar isan-taona ho an’ny kaominina 1695
29-juin-2022

Mbola mila ezaka goavana ny resaka fitsinjaram-pahefana sy fitsinjarana ara-bola mba hoenti-mampiodina sy mampandroso ny firenena,

Voir plus