tia tanindrazana

Parution du Jeudi, 30 Juin 2022

airtel

Politique

Fiainam-pirenena Tofoka tanteraka amin'ny Fitondrana ny MMM

Misoko miadana ny Antoko MMM (Malagasy Miara-Miainga) tarihin'i Hajo Andrianainarivelo, izay tsikaritra ho kofona amin'ny Fitondrana Rajoelina, ary efa tena mampiharihary izany ankehitriny.

19-avril-2022

Sample post image

Nitsidika ireo mpikambana sy ireo olom-boafidy MMM ao anatin'ny faritra Vatovavy ary ny faritra Fitovinany ity filoha nasionalin'ny Antoko Malagasy Miara Miainga, Atoa Hajo Andrianainarivelo ity ny faran'ny herinandro teo. Nitondra teny fankaherezana manoloana ireo antsonjay sy fanikilihina hatao amin'ireo olom-boafidy sy mpikambana MMM eraky ny disitrika, ny kaominina sy ny fokontany toy ny tany Manakara sy Mananjary ny tenany. Isan'ireo i Jeannot Randriamanana, ilay nitsikera mafy ny tontolon'ny fampianarana, iray nohelohina 2 taona an-tranomaizina, izay voalaza fa mpikamban'ity Antoko ity. Hentitra ny MMM naneho fa tsy azo ekena ny toejava-misy ary ny antoko dia vonona hijoro sy hiaro ireo mpikambana tratran izany tsindry aloka izany. Efa nialohan'ny fanovana governemanta tamin'ny 19 martsa 2022 ny MMM no nampitandrina mafy tsy hanaovana antsojay ny olony, ary tsy nihambahamba nilaza fa samy manana vahoaka. Niala tao anatin'ny governemanta, ary nahilika ny Sekretera Jeneralin'ny Fiadidian'ny Repoblika Atoa Valéry Ramonjavelo avy amin'ny MMM, izay mahalala tsara ny ao anaty vilanin'ny prezidansa. Nalaina ireo olon'ny MMM tao anaty minisitera.
MIOMANA AMIN'NY FIFIDIANANA
Efa tamin'ny 09 jona 2021 mbola tsy nisy lonilony no nanoratantsika teto amin'ny Tia Tanindrazana fa hanahirana an-dRajoelina i Hajo Andrianainarivelo sy Lalatiana Rakotondrazafy amin'ny maha lehiben'antoko azy, tsy maintsy hijery manokana ny antokony ary miomana haka fahefana amin'ny maha Antoko azy. Tombanana hanana olona hifaninana amin-dRajoelina ny MMM amin'ny 2023. Efa miketry manetsika ny olony any ifotony ny MMM, ankoatra ny efa nifaninanany mivantana tamin'ny TGV nandritra ny fifidianana loholona. Manao fifanakalozan-kevitra sy fiaraha-midinika mahakasika ny raharaham-pirenena sy ny ho avin'ny antoko MMM. Mandady ny trambo ho an-dRajoelina sy ny ekipany ary hampitombo ny efa fahalemeny izao sary izao.
Toky R
 

 

 

Dans la même rubrique

Card image cap
Christine Razanamahasoa “Mialà ny mpitantana rehefa tsy mahavaha delestazy”
30-juin-2022

Ankoatra ny fandokafana nataon’ny ankamaroan’ny depiote mpomba ny fitondrana ary ny kiana mivaivay nataon’ireo depiote avy amin’ny antoko mpanohitra,

Card image cap
Antoko TIM feno 20 taona Miomana haka fahefana indray…
30-juin-2022

Miditra ao anatin’ny kihon-dàlana politika vaovao ny antoko Tiako i Madagasikara na ny TIM, izay mankalaza ny faha-20 taona nijoroany manomboka anio 30 jona 2022.

Card image cap
Tsenam-panjakana 146 tapitrisa Ar Misy mitory ny depiote Tsiliva
30-juin-2022

Notorian’Atoa Maharesy Roi Francis Ben’ny tanànan’Ankavandra teo aloha tompon’ny orinasa ETS AR Business any amin’ny Sampana fitarainana eo na “bureau de doléance” eo anivon’ny Fiadidian’ny Repoblika ny Depiote

Card image cap
Antoko politika Teza “Tokony higadra ingahy Andry Rajoelina”
30-juin-2022

Araky ny lalampanorenana, ny governemanta sy ny parlemantera, ny fifandraisany, indrindra, ny fanaovana lalana, dia ny parlemantera manara-maso ny mpanatanteraka, hoy ny antoko politika Teza.

Card image cap
Fanjakana tsy mahavaha olana “Fampalazana tena sy fampanantenana sisa no atao”
29-juin-2022

Fampalazana tena na « populisme » no mbola hanarontsaronana ny tena zava-misy iainan’ny vahoaka no tena ataon’ny Fitondrana Rajoelina ankehitriny.

Card image cap
Tsy hampandroso na afaka 100 taona aza… 51 miliara Ar isan-taona ho an’ny kaominina 1695
29-juin-2022

Mbola mila ezaka goavana ny resaka fitsinjaram-pahefana sy fitsinjarana ara-bola mba hoenti-mampiodina sy mampandroso ny firenena,

Voir plus