Niverina mora teto Madagasikara izy, niroborobo ny orinasany, tsy hamadika azy i Botozaza, hoy izy. Jereo fa ny “Côtier” tsy mba mamadika izany rehefa omena fahatokisana. I Rajao namadika an'i Rajoelina. I Jean Louis Robinson namadika an'i Ravalomanana. Raha mahay maka lesona i Ravalomanana dia tsy tokony milatsaka fa manolotra kandida “côtier”. Mino aho fa “premier tour dia vita” amin'ny 2023, hoy hatrany ity fanehoan-kevitra ity. Ankoatran’ireo antoko politika izay manomboka mampahatsiahy na mampiseho ny vinam-piarahamoniny isintonany ny sain’ny vahoaka Malagasy hibanjina ny fiatrehana ny fifidianana ho filoham-pirenena amin’ny taona 2023, araka izany, dia hita ho manomboka manombana izay heveriny ho faniriany amin’izany taona 2023 izany ny mpanara-baovao. Ankoatran’izy ireo sy ireo antoko politika toy ny MONIMA, AREMA, TIM, TGV sy ny hafa rehetra koa anefa dia hita ho efa misarika ny sain’ny maro sahady mba hifantoka amin’izany koa ireo sehatra tsy miankina toy ireo kandida nolavina tamin’izany taona 2013 izany, Isaac Ramamonjisoa, sy ny filohan’ny firaisambe afrikanin’ny taranja Judo, Siteny Andrianasoloniaiko, ohatra, na dia nilaza aza hatreto ity farany fa ankinina amin’Andriamanitra ny hoavy.
J. Mirija
Legende: Ela tsy nahitana sy tsy nahenoana izany Botozaza Pierrot izany
Hanao rodorodo any Toamasina hiatrika ny filankevitry ny minisitra mitety faritra anio
Efa niteny ny antoko politika Teza fa tsy handray anjara amin’io fifidianana io satria ho haingon-tsehatra
Mitohy ny fanapahan-kevitra hafahafa ao amin'ny Antenimierampirenena Tsimbazaza taorian'ny nanonganan'ny IRD
Anio 16 aprily 2024 no hamoahan’ny Fitsarana avo momba ny lalàmpanorenana na
Isan’ireo antoko nanapa-kevitra handray anjara amin’ny fifidianana ny antoko politika Otrikafo
Mbola misy ny antsojay amin’ireo tsy ao anatin’ny antoko politika miaraka amin’ny fitondrana