tia tanindrazana

Parution du Vendredi, 27 Janvier 2023

airtel

Politique

Fifandraisana marefo amin’i Lafrantsa Manarama 700 000 euros mpanao serasera ny Fanjakana ?

Nanao sonia fifanaraham-piaraha-miasa amin’ny manam-pahefana Malagasy ny Cabinet ESL & Network. Iraka ampanaovina an’io ny fampitoniana ny fifandraisana ara-diplaomatika eo amin’I Paris sy Antananarivo,

13-oct-2022

Sample post image

hoy ny lahatsarotry ny fampahalalam-baovao vahiny Africa Intelligence ho an’ny omaly alarobia 12 oktobra 2022. Voalaza mantsy fa mihenjan-droa ny tady eo amin’ny roa tonta noho ny fifanantonana amin’ny endriny samihafa eo amin’ny mpitondra Malagasy sy ny Rosianina. “Tao anatin’ny fotoana naharitra, niara-dàlana tamin’ny cabinet Concerto an’i François Hurtsel, ny Filoha Malagasy Andry Rajoelina araka ny loharanom-baovao, dia vao avy nanendry ny cabinet parisien ESL & Network mba hantsarana ny sarin’ny fireneny any France sy iraisam-pirenena. Efa nampiasa nitaky tamin’ny Agence J5 Co an’I Gérard Askinazi izay mpikamban’ny komity stratejikan’ny Asisa Partners sy Havas ihany koa izy”, hoy hatrany ny Africa Intelligence. Mahatratra 700 000euros (2 800 000 000 Ar eo ho eo) ny vola aompana amin’izany, ka ny fifanarahana dia ny lafiny fandresen-dahatra na “lobbying”, laza an’habaka na “influence en ligne” ary ny fifandraisana amin’ny fampahalalam-baovao, ary indrindra ny fikarakarana ny fampahafantarana ofisialy ny "Plan Emergence Madagascar" ny 28,29, 30 oktobra 2022 izao eny amin’ny CCI Ivato io. Tao anatin’ny fotoana tena nampitombo ny tsy fitovian-kevitra teo amin’I Paris sy Antananarivo io no voalaza fa nandeha io tsenan’asa io. Isan’ny mampifanenjana moa ny fanagadrana ireo Frantsay roa François Philippe sy Paul Rafanoharana, ny resaka îles Eparses, ny fampiasam-bola eo amin’ny fifanarahan’ny firenena roa tonta mikatso. Efa hatramin’ny 2021 no nampanatena 240 tapitrisa euros eo ny Frantsay, ary mbola nampanantenaina tamin’ny fihaonan’ny Filoha roa tonta vao tsy ela, saingy toa tsy hita izay tena fandehany. Nilaza ny Africa Intelligence fa nisafidy ny tsy hiteny ny ESL & Network raha azon’izy ireo tamin’ny fifandraisana, raha toa ka nilaza ho tsy nanolo-kevitra tolotra na « services » tamin’ny Fanjakana kosa ny Havas, raha toa ka tsy namalyy kosa ny J5 Co. Asa izay mety ho setriny na fandisoana avy amin’ny Fanjakana mikasika an’io, fa raha mitombona tokoa, dia may ny endim-boanjon’ny Fanjakana Rajoelina, tsy marin-toerana ny fifandraisany amin’ny Lafrantsa, tsy mahatoky tena intsony ara-tserasera sy ara-diplaomasia,… hany ka manatosaka vola tsy toko tsy forohana haompana amin’izany. Tena mbola hahomby ve ny resaka serasera na hanatsarana ny fifandraisana amin’ny any ivelany na ny fambaboana ny Malagasy hifidy azy indray amin’ny 2023 ?
Toky R
 

Dans la même rubrique

Card image cap
Be loatra ny balarora Mitombo isa ny Malagasy tsy mahatoky mpanao politika intsony
27-janv-2023

Fa maninona ny malagasy no tsy mahatoky mpanao politika intsony ? Fanontaniana isan’ny mipetraka amin’izao vaninandro iainantsika izao io.

Card image cap
Fitondrana Rajoelina Andrasana ny hetsika mifanaraka amin’ny teny nataony
27-janv-2023

Mila omena masomboly, zezika, tany azo hajariana ny tantsaha, hoy ny filohan’ny repoblika, Andry Rajoelina, tany Dakar, Senegal. Izay, hoy izy, no tokony atao ho fampiakarana ny famokarana eto Madagasikara.

Card image cap
Hetsika LERA “Tonga ny fotoana hiarahana mijoro”
27-janv-2023

Niseho ampahibemaso tetsy amin’ny Hotely Mahatehotia Mandrimena Iavoloha omaly 26 janoary 2023 ny Hetsika LERA, izay ivondronana olom-boafidy toy ny depiote sy ben’ny tanàna ary mpanolontsaina monisipaly,

Card image cap
Henry Rakotomalala na Riribe “Mbola Rajoelina ihany no ao ambadik’io LERA io”
27-janv-2023

Tandremo,tandremo sao ho voafitaka isika vahoaka malagasy fa amin'io "lera miala Rajoelina " teny amin’ny Espace Mahatehotia io fa mbola Rajoelina no ao ambadik'io, hoy ny mpanao politika, Henry Rakotomalala na Riribe.

Card image cap
Fanatanterahana fifidianana Mila hatrany amin’ny 142 miliara ny CENI…
26-janv-2023

Dimy andro mialohany hahataperan’ny fanalavam-potoana amin’ny fanavaozana manontolo ny lisi-pifidianana, 9 040 501 no tafiditry ny CENI

Card image cap
Durlin Retogniane Tokony hazava sy ho ampy ny tetibolan’ny fifidianana
26-janv-2023

Nilaza ny ahiahiny ny amin’ny mety tsy fahampian’ny tetibola ka tsy ahafahana mikarakara ny fifidianana ny eo anivon’ny CENI,

Voir plus