Politique

, tao amin’ny fokontany Manjakaray ary tao ankazomanga Atsimo hoan’ny boriboritany faha enina no nanaovana ny asa. Fanadiovana tatatra sy ny lobolobo rehetra no nataon’ireo tanora tamin’izany. Navitrika ireo tanora noho ny fanohanana izay nation-dRamatoa annick ratsiraka sekretera nationalin’ny Antoko arema. Nanamafy ny fahavononany hanao ny asa fanadiovana tahaka izao ireo tanora ireo noho ny fanomezan-tanana izay ataon’ny arema. Nohamafisin’ny sekretera nasionalin’ny antoko Arema ihany koa nandritra io fotoana io fa ho tohizana ny fifaninana tanàna madio amin’ny alaln’ny asa izay ho ataon’ireo tanora ka hisy ny fizarana loka isaky ny 3 volana. Vary iray gony sy voamaina no homena ireo izay mandresy. Tanjona hoy izy ny hisian’ny fahadiovana mandava-toana eny amin’ny faritra Iva sy ho fanentanana ny mponina mba hanaja sy hitandro izany fahadiovana antoky ny fahasalamana izany. Hoan’ny fiarovana ny tontolo ianinana ihany koa dia efa niroso tamin’ny fandavahana ny taninjana-kazo tany Tsiafahy ireo tanora miisa 30 mianadahy ny alahady teo. Ny faha 5 febroary izao moa no hanaovana io fambolen-kazon’ny antoko Arema io. Heverina fa tsy tongatonga ho azy izao fihetsiketsehana ataon’ny antoko Arema izao fa tafiditra tsara mihitsy ao anaty paikady politika; manamboatra ny sariny manoloana ny vahoaka aloha, miezaka maka ny fon’ny olona amina asa sosialy isan-karazany.Aoriana kely ao dia azo antoka fa hanomboka hiresaka toekarena, raharaham-pirenena, ary mazava ho azy fa hiresaka politika. Tsy mbola maty ny antoko Arema nna dia hita ho sahirana mamondron-kery aza, saingy tsapa fa efa mihetsiketsika , ary iza no mahalala raha efa mba miomana amin’ny fifidianana 2023 ihany koa ry zareo.
Toky R