raha hafonja ireo porofo na dosie namboarina indray izy ity. Ny Saint-Cyriens, izay sokajiana hoe « officier d'élite », akory tsy adala ka hamela marika hamantana ny fandalovan’izany. Inona moa no hampidiran’izy ireo ireo vadiny anatina aferana « atteinte à la sûreté de l'état? Inona no tombony hamonoana mpitondra malagasy anatina fitondrana izay tsy hita mazava ho mby ho aiza ? Nanaotao foana io fitondrana io ary nanasonia ny fahafatesany raha nikitikitika manam-boninahitra frantsay miisa 2. Maro ireo karazana famahana olana tsy ankiteniteny nefa mahomby. Izao tranga izao kosa dia famonoan-tena ara-diplaomatika, politika, ara-pitsarana, ara-bola, ara-pamatsiam-bola, ara-toekarena, ara-tafika sy ny maro hafa ho an’io fitondrana mijoro io. Tsy mbola nisy fanjakana teto ambonin’ny tany ka nanafika mivantana sy ampahibemaso manam-boninahitra frantsay izany. Fiantsiana ataon’ny fitondrana malagasy amin’ny firenena frantsay izao ary tafiditra anatin’izany ny tafika frantsay. Maro ireo karazam-balin-kafatra azon’ny frantsay atao mikasika ity raharaha ity. Isany ny mety ho fandroahana ireo diplaomaty malagasy miasa sy monina any Frantsa. Eo koa ny fanilihana ireo zanaky ny manam-pahefana malagasy any amin’ireo tany frantsay na ilay voasokajy anatin’ny atao hoe « territoire français ». Isany koa ny fandrarana ireo filana fitsaboana ho an’ny manam-pahefana malagasy mila izany any Frantsa. Isany ny fanitsohana ny kaontim-bankin’ireo manam-pahefana malagasy maneran-tany. Afaka mametraka fitoriana ofisialy frantsay manoloana ny fitsarana frantsay sy iraisampirenena koa ny fanjakana frantsay. Mety hiidy ny loharanom-bola malagasy isan-karazany ao Frantsa sy Eoropa. Fampandrenesana ireo tafika frantsay misahana ny faritra atsimo sy ranomasimbe indianina misy an’i Madagasikara na FAZSOI (Forces Armées de la Zone Sud de l'Océan Indien). Ny dikan’izay dia hanana trosa amin’ny tafika frantsay mandritry ny fahavelomany ireo voalaza rehetra ireo. Eo amin’ny fifandraisana amin’ny fiangonana katolika kosa dia tsara ho tsaroina fa Paul Rafanoharana dia mpanolontsain’ny Mgr Odon Razananolona, evekan'Antananarivo. Nanimba ny fifandraisan’ny hery katolika tamin’ity fitondrana ity koa araka izany ity fanampahan-kevitra ity, hoy hatrany ity mpahaipolitika ity, ary mampametra-panontaniana hoe voalanjalanja ve ilay fanapahan-kevitra ?
J. Mirija
Miala any sahady ny lalao maloto ho an’ny fifidianana Solombavambahoaka tanterahina ao anatin’ny distrikan’Avaradrano.
Etsy amin’ny La Rotonde Besarety amin’ity tolakandro ity no hifamotoana ireo mpahailalàna,
Nafana ny fihetsiketsehana nataon’ny mpitondra notarihin’ny Filoham-pirenena tany
Nidina ifotony teny Talatan’i Volonondry sy Ambolo ny kandidan’ny Kolekitifa an’ny